El nom deu pere e deu fiz e deu saint espirit. Amen. Ge Johan Bar- laiz, fiz Heimeri Barlaiz qui fu, fais a saver a tous ciaus qui sunt e qui ave- nir sunt, que je ai loe et otroie 1'amoisne et la vente, que madamme Hisabiau de Bethsant, mere de mon pere, et mesires Bertrain Porcelet cez mariz firent et donerent pardurablement au maistre et a freires de la maison de 1'ospital de sainte Marie des Alamans de Jerusalem, ce est a saver deus caseaus Araybe et Zecanin, o totes les gastines de Berhenne, Mesera, Mischalim, o totes les pertenences e o touz leis dreiz e o touz les homes des caseaus et des ga- stines, qui sunt nomez ci desus; e ai quite touz les dreiz, que je avoie o devoie aver a es devant dites choses, au maistre et aus freYes de la devant dite maison, que eil les teignent quitament et franchement a touz jorz. E por cey, que cest los e cest otroi e ceste quitance seit remenbree a touz jorz mais, ce fo feit en la presence de Boemont per la grace de deu prince d'An- thioche et comte de Triple. De ceste chose sunt garenz Hue de Gibelet; Jo- han de Montenac; Renaut de Gibelet; Renaut Porcelet; Huge de Tabore. En tesmoingnage de ceste chose fis seelier cest present escrit de mon seel de plump, e fu fet a Triple 1'an de 1'encarnation nostre seingneor Jhesu Crist m et cc et xxxvi deu mes de genier.

I, 21 n. 36.