Martinus episcopus servus servorum dei ad futuram rei memoriam. Dispositione divina gregi dominico quamvis immeriti presidentes dum preclara dilectorum filiorum magistri et fratrum hospitalis beate Marie Theotonicorum Ierosolimitani merita intra nostre mentis recensemus archana et ad conmen- dabiles, quibus operosis eorum ministeriis erga deum et homines indesinenter exuberant, fructus, digne nostros diiYundimus cogitatus, votis illis gratum li- benter efferimus auditum, per que ipsorum statui ac indempnitatibus consuli- tur et ea, que pro illorum commodo profectibusque exquisita comperimus, so- lidioris presidio muniminis apostolici iugiter perseverent. Sane pro parte dictorum magistri et fratrum nobis nuper exhibita peticio continebat, quod olim felicis recordacionis Honorius tercius, Alexander quartus et Nicolaus quartus Romani pontifices predecessores nostri recensentes attentius, quod ipsi magister et fratres veluti nominis christiani pugiles pro fidei tuicione catholice eorum personas et animas ponere nullatenus formidarent, unde nonnulli impe- ratores, reges, duces comitesque et alii seculares principes ac laicales persone pia devocione moti cupientesque ipsis magistro et fratribus in eorum necessi- tatibus subvenire ius patronatus diversarum ecclesiarum prout ad ipsos tunc spectabat pro fundacione domorum dicti hospitalis et eorundem fratrum susten- tatione dictis magistro et fratribus pia largitioue donarunt ad eosdem magi- strum et fratres speciali destinato favore per quasdam indulserunt eisdem, ut, quocienscumque aliquam ex predictis ecclesiis, quarum ipsi ius patronatus pro tempore obtinerent, vacare contingerit, aliquos ydoneos ex eisdem fratri- bus vel alios clericos -locorum ordinariis presentare possent, qui taliter pre- sentatos in prefatis ecclesiis, ad quas presentati forent, instituere, ipsique cle

rici sic presentati de administracione per eos circa prefatas ecclesias in spi- ritualibus ordinariis et in temporalibus magistro et fratribus eisdem respon- dere tenerentur. Et subsequenter quondam Bonifacius in sua obediencia, de qua partes ille erant, tunc VIIII nuncupatus considerans sollicicius donaciones iuris patronatus ac indulta huiusmodi quodque nonnulli ex fratribus predictis tunc quasdam alias parrochiales ecclesias et earum ius patronatus ex aliis iustis, ut credebatur, titulis acquisiverant, quarum aliquas ac ius patronatus huiusmodi habuerant et possederant pacifice et quiete, eciam a tanto tempore, cuius contrarii memoria non extabat. Ex huiusmodi quoque ecclesiis nonnulle dudum fuerant erecte in domos conventuales et per modum conventuum a fratribus predicti hospitalis eatenus gubernate; ad quasdam vero ex ipsis, dum vacarent, huiusmodi fratres soliti erant ipsis ordinariis presentari et per illos in rectores institui earundem; nonnulle eciam ex predictis et aliis parrochia- libus ecclesiis fuerant successivis vicibus diversis dicti hospitalis domibus per locorum diocesanos ex certis racionabilibus et legittimis causis auctoritate or- dinaria unite et incorporate, quarum fratres in domibus pro tempore degentes huiusmodi earundem unionum et incorporationum vigore possessionem adepti illas per quadragiuta annos tenuerant et possederant, prout tunc tenebant et possidebant pacifice et quiete, per alias suas litteras ecclesias predictas ac earum necnon dictarum domorum, quibus huiusmodi uniones et incorporacio- nes facte fuerant, ut prefertur, veros valores annuos secundum communem extimacionem habens pro sufficienter expressis donaciones, concessiones, acqui- siciones, erectiones, uniones et incorporaciones predictas et quecumque inde secuta rata habens et grata illa ex certa sciencia confirmavit et sui scripti patrocinio communivit supplens nichilominus sollempnitates omissas et omnes defectus, si qui forsan intervenerant in eisdem, prout in predictis litteris di- citur plenius contineri. Cum autem, sicut eadem peticio subiungebat, eciam postea plerisque dicti hospitalis domibus et locis ius patronatus nonnullarum aliarum ecclesiarum parrochialium concessum atque donatum ac ipse ecclesie diversis auctoritatibus unite necnon annexe et incorporate fuerint, ad earum deductis effectum plurimis ex posterioribus unionibus necnon annexionibus et incorporacionibus antedictis, pro parte prefatorum magistri et fratrum nobis fuit humiliter supplicatum, ut indultis necnon donacionibus, concessionibus, acquisicionibus, erectionibus, unionibus, annexionibus et incorporacionibus pre- dictis pro earum subsistencia firmiori robur apostolice confirmacionis adiicere de benignitate apostolica dignaremur. Nos igitur omnes ecclesias easdem ac ipsarum necnon domorum et locorum, quibus ille, ut prefertur, unite, annexe et incorporate fuerint, huiusmodi veros annuos valores fructus quoque redditus et proventus etiam secundum extimacionem predictam habentes literis pre- sentibus pro sufficienter expressis, easdem quoque presentes litteras non mi- nus, quam si in ipsis valores necnon fructus, redditus et proventus secundum dictam extimacionem exprimerentur, iidem validas et efhcaces censeri et ubi- libet reputari debere nec propterea aliquatenus impugnari posse, sed nichilo

minus et alias suis subsistere viribus auctoritate apostolica decernentes eisdem supplicacionibus inclinati indulta donaciones, concessiones, acquisiciones, ere- ctiones necnon uniones, annexiones et incorporaciones predictas et quecumque inde secuta rata habentes et grata illa eadem auctoritate ex simili sciencia confirmamus et presentis scripti patrocinio communimus, supplentes omnes defectus, si qui forsan intervenerint in eisdem non obstantibus premissis nec- non constitucionibus et ordinacionibus apostolicis eciam huiusmodi valores, fructus, redditus et proventus secundum dictam extimacionem exprimi debere disponentibus, statutis quoque et consuetudinibus hospitalis predicti iuramento confirmatione apostolica vel quavis alia firmitate vallatis ceterisque contrariis quibuscumque. Nulli ergo omnino hominum liceat hanc paginam nostre con- firmacionis et communicionis infringere vel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se noverit incursurum. Datum Flo- rencie xvi kal. iunii pontificatus nostri anno secundo.

IV, 241 v. Transsumptum sub sigillo curie apostolice, autoritatc Pantaleonis de Bredis de Utino, D. D. et cam. apost. auditoris generalis, dato. Florentiae 1419 novbr. 10. Exstant in archivo Hegimontano duo exemplaria. Ioh. 50. Edd. Caorsinus D. 2. Senner F. 6. 1419 aug. 25 Flo- rentiae Martinus V confirmat ordini Theutonico, quod invitus non teneatur respondere provisio- nibus apostolicis seu legatorum, occasionc praclaturae cuiusdam Curoniensis. Vide supra n. 251 p. 236.