Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, archidiaconis, de- canis et aliis ecclesiarum prelatis, ad quos littere iste pervenerint, salutem et apostolicam benedictionem. Cum dilecti filii fratres hospitalis sancte Marie Theotonicorum Ierosolimitani pro sue religionis observancia et zelo fidei1, quam defendunt, per sedem apostolicam magna sint libertatis prerogativa donati, quidam, qui aquam vino miscent et de scripturis falsum eligunt intellectum, privilegia ipsorum ultra quam deceat pro sua voluntate restringunt et que- rentes extraneum intellectum3 ab ipsis primicias et decimas de possessionibus et novalibus habitis ante concilium generale sive de ortis, virgultis et pisca- cionibus eorum vel de suorum animalium nutrimentis extorquere presumunt. Volentes igitur dictorum fratrum indempnitatibus providere per apostolica vobis scripta mandamus, quatenus ab extorsione decimarum et primiciarum super premissis omnibus desistatis et vestros subditos appellatione remota ab eadem desistere compellatis. Datum Laterani vi idus februarii pontificatus nostri anno v.

Sine dato: II, 93 n. 15; A.20 n. 15 Latine et Germanice; D. 14. — Cum dato: IV, 189 v. n. 23. Originale, cum bulla in filis sericeis appendente, quondam Mergenthemi, nunc Vindo- bonae in archivo ordinis Theutonici asservatur. 1. dei IV. 2. privilegia — intellectum deest n, A. 20.