Martinus episcopus servus servorum dei dilectis filiis magistro et fra- tribus hospitalis beate Marie Theotonicorum Ierosolomitani salutem et aposto- licam benedictionem. Laudibus et honore dignissima religio vestra ab

ipsius institucione felici per latitudinem orbis terre diversitate virtutum semper emicuit et vestrorum claritate meritorum oculis ecclesie sacrosancte frequenter infulxit pie memorie predecessoribus nostris Romanis pontificibus propter hec tanta iocunditate perfusis, ut eis votivum et delectabile fieret dictam religionem interno et efficaci amore in Christo diligere et sincerrima prosequi voluntate multis ipsam attollendo presidiis et fovendo beneficiis opulentis. Nos autem, postquam apostolici curam officii divina providencia disponente suscepimus, tantorum patrum pia vestigia piis imitantes affectibus corde concepimus, quod religionem ipsam nobis specialem et carissimam inter alias haberemus. Huius- modi benivolencia postmodum sic per operacionis evidenciam elucescente, quod in professores religionis eiusdem dona multiplicia effunderemus1 graciarum, quas in melius, si oportunum fuerit, ampliantes in pleno vigore conservare proponimus ac vobis et hospitali vestro fructum desideratum producere affecta- mus, cum sit nobis firma fiducia, quod, quanto plus dicta religio. benignitatis apostolice favore reficitur, tanto in ipsa devocionis et reverencie studium circa predictam ecclesiam adaugetur. Hinc est, quod nos eorundem predecessorum vestigiis inherentes vobis auctoritate apostolica tenore presencium indulgemus, ut in imposicionibus decimarum seu caritativorum vel aliorum quorumlibet subsidiorum, quibuscumque nominibus nuncnpentur, in quibusvis eciam citra vel ultra montanis partibus per nos aut nostra vel alia quacumque auctoritate concessis seu ex quavis causa hactenus quomodocumque aut qualitercumque factis vel forsitan imposterum faciendis vos ac huiusmodi hospitale illius pre- ceptorie, ecclesie, capelle, oratoria et alia vestra et dicte religionis loca et bona, que nunc ubilibet obtinetis vel in futurum annuente domino licite obtine- bitis tam mobilia quam immobilia necnon persone in illis degentes nullatenus includi3 seu comprehendi debeatis sed vos ac huiusmodi hospitale necnon pre- ceptorie, ecclesie, capelle, oratoria atque degentes in illis presentes et posteri pro tempore a solucione ets prestacione decimarum et aliorum onerum huius- modi sitis et esse debeatis perpetuis futuris temporibus prorsus exempti et immunes, prout eciam preteritis temporibus et a tempore, cuius contrarii me- moria non existit, predecessores vestri magistri et fratres necnon preceptores ac rectores hospitalis preceptoriarum, domorum, ecclesiarum et oratoriorum prefatorum, qui fuerunt pro tempore per specialia privilegia sedis apostolice, quibus non est prorsus in aliquo derogatum, liberi et immunes hactenus ex- titerunt; decernentes eciam irritos et inanes necnon pro infectis haberi volen- tes omnes processus necnon excommunicacionis, suspensionis et interdicti sen- tencias et quaslibet alias censuras sive penas spirituales aut temporales sedis predicte vel legatorum eius seu alia quavis auctoritate in vos necnon pre

ceptores et rectores atque personas hospitale ecclesias, oratoria necnon eius- dem hospitalis loca huiusmodi occasione premissorum scilicet non solucionis decimarum aut subsidiorum predictorum sub quavis verborum forma forsitan hactenus promulgatas et si quas promulgari contigerit quomodolibet in futurum. Nulli ergo omnino hominum liceat hanc paginam nostre concessionis, consti- tucionis et voluntatis infringere vel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se noverit incursurum. Datum Florencie xvi kal. iunii pontificatus nostri anno secundo.

IV, 243v. in confirmatione Martini V rle 1423 martii 11. IV, 245. Initium cx originali tunc Mergenthemensi edidit de Wal Recherches II, 350 n. 4. Citat Duellius II, 5. Transsumptum sub sigillo curiae apostolicae autoritate Dominici de S. Gcminiano, D. D., cam. apost. auditoris gen., datum Rome 1422 martii 20, exstat in archivo Regimontano, ubi aliud transsumptuin d. d. 1488 octbr. 1 ex transsumpto Spirensi f. loh. 51. Edd. Caorsinus D. 4. Senner F. Gv. Entdeckter Un- grund n. 103 b. ex originali. 1. effuderimus B. 2. concludi T. 3. ac B.