Fratres sancti Iacobi proponunt contra fratrem Iohannem et dicunt, quando ipsum fecerunt preceptorem, quod iuravit et promisit bona fide servare bonos usus et consuetudinem regule, et promisit, quod alius frater domus deberet portare bursam et expendere ea, que domui essent necessaria, et quod non debebat solus equitare sine uno fratre vel capellano boni nominis; quod omnino non servavit; unde fratres dicunt eum periurum. Proponunt eciam contra ipsum, quod sine eorum consilio vendidit equos, dextrarios, mulos, boves et bubalos, poledros, frumentum, vinum et oleum, et de thesauro domus extraxit aurum et argentum, omnemque istam peccuniam dedit ubi voluit et quibus voluit sine fratrum consilio et assensu, cum regula dicat, quod eorum summus magister nou possit dare ultra dimidiam marcham absque fratrum consensu; unde fratres dicunt, quod propter hauc causam debet amittere domum. Di- cunt eciam contra ipsum, quod vi habuit rem cum quadam sorore domus, sicut ipsa publice conquesta fuit capitulo et clericis ac laicis secularibus. Item proponunt fratres, quod habebat puellas, cum quibus ad libitum suum con- cumbebat et postea maritabat eas dando eis bona domus, que fratribus et pau- peribus erogare debebat. Item dicunt, quod alienavit possessiones ecclesie, sicut apparet et manifestum est. Dicunt eciam, quod sine licencia et volun- tate eorum recessit de domo et fuit apud Iacinctum ad domum predictorum fratrum, que dicitur sancti Leonis, et expulit inde fratrem et sororem, qui ipsam domum custodiebant, et detinuit eam vi et, quod peius est, bona ipsius domus dedit Templariis et, quamdiu ibi fuit, vixit luxuriose. Item, quod con- tra libertatem et privilegia domus fuit Patras et impetravit ab archiepiscopo et ab electo Oloneusi sentenciam excommunicacionis et interdicti domus et fratrum, cum omnibus constet domum sancti Iacobi et personas ibi constitutas alium prelatum non habere nisi dominum papam. Item dicunt, quod sine con- sensu fratrem quendam violenter rapuit de domo et fugiebat in eo; postea fratres invenerunt ipsum in domo domini Thome et rogaverunt eum, ut re- diret ad domum, cuius se dicit esse fratrem; et omnino recusavit dicens: „Nunquam evo vobiscum, quia vos estis ex parte Theutonicorum; et ideo nolo redire." Prior et fratres dixerunt: „Nos habemus habitum sancti Iacobi, quem tu portas, unde precipimus tibi per illam obedienciam, quam fecisti ecclesie sancti Iacobi, et per habitum, quem portas, ut venias nobiscum ad domum nostram!"; quod omnino facere recusavit. Item privilegia domus furtive ab- stulit et in tali loco deposuit, quod fratres ea rehabere uequaquam possunt, nec ipse reddere vult. Item sine conscientia fratrum navigio fecit asportari frumentum de quadam domo eorum, que dicitur Rotumni, et nesciunt, quid de ipso frumento fecerit. Hec et alia plura perpetravit contra regulam or- dinemque1 domus destruendo et dissipando bona ecclesie, que sibi per co- mune fratrum capitulum sunt comprobata. Tandem ipsum secundo furtive fu- gientem fratres ceperunt et posuerunt in custodia. Nos autem Benedictus

Cephaloniensis et Iacinctinus episcopus, scientes, quod omnia vera sunt, que in presenti pagina continentur, que a fratribus sancti Iacobi et sororibus dicto Iohanni sunt probata secundum eorum regulam, rogati3 a dictis fratribus et sororibus huic presenti pagine sigillum nostrum apposuimus rei veritatem te- stificando et confirmando. Et nos fratres et sorores sancti Iacobi, secundum quod omnia, que in presenti scripto continentur, fratri Iohanni supradicto in capitulo nostro probavimus secundum regulam nostram manifeste, huic pre- senti scripto sigillum capituli nostri apposuimus rei veritatem similiter con- firmando.

I, 55 in n. 105. 1. et ordinemque B. 2. rogatus B.