Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, prepositis, decanis, archidiaconis, archipresbiteris et aliis ecclesiarum prelatis, ad quos littere iste pervenerint, salutem et apostolicam benedictionem. Cum dilectis filiis, fratribus hospitalis sancte Marie Theotonicorum Ierosolimitani, duxerimus in- dulgendum, ut hiis, qui eorum confratriam assumpserint, si forte locus, in quo decedunt, interdictus fuerit1, nisi vinculo excommunicationis teneantur astricti aut nominatim sint interdicti, sepultura ecclesiastica non debeat dene- gari; nimis graviter excederetis, si, quod fratribus eisdem concessimus, presumeretis infringere, qui alios ad observanda ecclesie Romane statuta verbo et exemplo debetis propensius informare. Infringi namque sustinere nolentes, quod fratribus indulsimus antedictis, universitati vestre per apostolica scripta mandamus atque precipimus, quatenus nullo tempore quisquam vestrum im- pedire presumat, quominus corpora ipsorum, qui confratriam predictorum fratrum assumpserint vel assument in posterum, nisi excommunicati vel no- minatim fuerint interdicti aut eciam3 publice usurarii, in eorum valeant cimi

teriis sepeliri, si eciam locus, in quo decedunt, fuerit interdictus, sed ita in hoc et in aliis statuta sedis apostolice integra et illibata servetis, quod devotio vestra possit et debeat non immerito commendari nec nos inveniamus in vo- bis in hac parte, quod merito corrigere debeamus. Datum Laterani non. fe- bruarii pontificatus nostri anno v.

Sine dato: II, 96 v. n. 22; A. 20 n. 22 Latine et Germanicc cum nota: In Traiecto iufe- riori invenitur etc. D. 21. — Cum dato: Laterani non. febr. p. n. a. 5. B. 195 inccrti loci. A. 16 p. 107 „Traiecti". 1. sit A. 16. 2. addit A. 16.