Noverint universi presentes pariter et futuri, quod nos Terricus divina permissione humilis abbas et conventus eeclesie Montis Syon de consensu et voluntate reverendi patris et domini nostri Iacobi, dei gracia sancte Ierosoli- mitane ecclesie patriarche, apostolice sedis legati, auctoritatem prestantis ven- dimus imperpetuum, tradimus, damus et concedimus religiosis viris fratri An- noni magistro et conventui domus hospitalis sancte Marie Theotonicorum in Accon domos cum solo, plateis et hedificiis, que habemus et tenemus nomine dicte ecclesie nostre ante domum ipsorum in Accon, que infra hos terminos continentur: ab oriente est via regalis et domus hospitalis sancti Iohannis Ie- rosolimitani, que fuerunt quondam Montis Thabor, contigue cum predictis do- mibus; ab occidente est domus predictorum magistri et conventus; a septen- trione est similiter via regalis; a meridie est barbacana eorundem. Item ven- dimus, tradimus et concedimus1 eisdem magistro et conventui quandam aliam doifium parvam, que habet tales confines: ab oriente et meridie est via regalis; ab occidente est domus ipsorum magistri et conventus, que fuit quondam co- mitis Ioscelini; a septentrione est domus Albrici Botterii. Que omnia nomine ecclesie nostre vendimus, tradimus, damus et concedimus predicto magistro et conventui et successoribus eorum nomine domus eorum cum omni iure, com- modo et utilitate et cum omnibus ad ipsas domos, plateas et solum pertinen- tibus liberas et absolutas ab omni honere servitutis, pro trecentis et novem bisanciis sarracenatis ad pondus Accon nobis et successoribus nostris annuatim in perpetuum integre et sine diminutione aliqua persolvendis et percipiendis in thesauro predictorum magistri et conventus Accon in tribus terminis infe- rius nominatis, videlicet per totum mensem februarii centum et tres bisantios et per totum mensem iunii centum et tres bisantios et per totum mensem octubris centum tres bisantios. Nos autem abbas et conventus predicti pro- mittimus et tenemur predictis magistro et conventui eorum successoribus pro nobis et successoribus nostris nomine prephate ecclesie nostre predictas domos, plateas et solum cum hedificiis suis ab omni persona et universitate in iure defendere et garentire et eos in ipsis seu de ipsis non impedire sub pena sex- centorum bisantiorum sarracenatorum, concedentes predictis magistro et con- ventui, ut in predictis domibus, plateis et solo possint intrare et illa possidere et in eis edificare ac de ipsis facere sicut in suis et de suis, quando volue- rint et viderint expedire, promittentes quoque ipsis firmiter et expresse, quod contra predicta vel aliquid de predictis nunquam veniemus nec per nos nec per alium, nec procurabimus, ut contractus huiusmodi rescindatur, sub pena predicta; qua soluta vel non omnia et singula superius annotata semper in suo robore perseverent. In quorum omnium testimonium et perpetuam firmitatem presentes litteras plumbea bulla nostra fecimus communiri, ac reverendus pater dominus patriarcha superius nominatus, qui auctoritatem suam huic contractui

prestitit atque dedit, in testimonium fecit apponi presentibus plumbeam bul- lam suam. Actum et datum fuit Accon anno domini m° ducentesimo quin- quagesimo septimo in kalendis novenbris.

III, 167 v. 1. cocedimus B.