estagia prope Vilegourt in pertinencia de Chimerori.

Sachent tuit cil qui sont et qui cestes presentes letres veront, que me- sire Robert de 1'Isle1 chavaliers a done a la maison de mon seignour sant Jaque d'Andrevile por deu et en aumoisne et par sa arme et par 1'arme ma dame Peronele sa femma et par 1'arme de son pere Johan et de Mehant sa mere et de feu Comes son frere dos estacges, qui sont ens el contorn de Vi- legourt de la pertinence deu Chimeron de son propri fieu et de sa droite con- queste ab tota la terra et ab totas las vignes, qui apartinent als ii estacges devant nomes, sans ce que il en a retenu una pece de terra de iiii muis de forment de semeure. E avec les ii estaies devant nomes a done li davant dis Robers a la maison davant dite Johan Lagor et ses dos freres et lor meismes et Johan Catomerite et Vasile son frere et Curiache et Johanni Gonople et les meismes de tos ces homes nomes. E ceste aumosne a receu da frere Guil- lelmes maestre de la davant dite maison par la volente et par consel des freres de cele meisme maison par tel convenent, que li freres de la davant dite mai- son saint Jaque1 d'Andrevile devent tenir pardurablement vii prestres Latin messe chantant sur cele meisme aumosne, qui davant est nommee. Et si il avenoit, que li frere de la davant dite maison defalissent al novre fois3 del prestres tenir en la davant dite aumosne le termine de ii mois, li davant ditz Robert de 1'Isle ou seu erez reprendoient et auroient 1'aumosne davant nomee et en faroient com de lour chose sans home raimbre ne femme jusque aitant que li prestres Latins messe chantans i seront remis. Et quant li prestre i se- ront remis, li frere davant dite maison reprehendroient la lour chose et re- vendroit 1'aumosne davant dite en lur mains por faire lo servise de Jhesu Crist et por tenir la covenence, si com davant es devisee. Et por ce4, que ceste chose parmaigne ferme et estable pardurablement, je frere Guillelmes maestre de la davant dite maison par lo consel et par. la volente des freires de cele meisme maison i ai mis le seel de la davant dite maison. Et je maestre Ni

choles par la grace de deu avesques de -Couronne i ai mis lo mien seel el non de tesmoignagne ceste.

I, 58 n. 112. 1.'V. c1 . Hopf docet e gente Carpiniorum de Vostitza oriundum fuisse.

2. Jaqe B. 3. a lour foi? 4. co B.