Ludowicus, dei gracia Romanorum imperator semper augustus, honora- bilibus et religiosis viris preceptori generali, commendatoribus ceterisque sin- gularibus fratribus hospitalis sancte Marie de domo Theotonica, fidelibus suis devotis, gratiam suam et omne bonum. Celsitudinis nostre celsa sublimitas ad hoc precipuum sue debet consideracionis aciem inclinare, qualiter devotis im- perii et precipue personis divinis dedicatis obsequiis ob sue probitatis et de- vocionis merita augmentet commoda et honores. Per hoc enim imperium principantis gloria ineffabili a subditis sublimatur, subditi quoque ad obsequen- dum alliciuntur prompcius et ad bene merendum fervencius inducuntur. Ex parte itaque vestra nostre celsitudini extitit humiliter supplicatum, quatenus

privilegium vobis concessum per dive memorie Ottonem quartum, imperatorem Romanum, predecessorem nostrum, imperiali benivolencia confirmare digna- remur. Cuius quidem privilegii tenor sequitur in hec verba:

Otto quartus etc. de 1213 (sc. 1212) maii 10 Nuremberg (supra n. 252). Nos itaque intacte fidei puritatem ac sincere devocionis fervorem, quem ad nos et sacrum habetis imperium, piis considerantes oculis1, cupientes vos spe- ciali beneficiorum munificencia graciosius decorari, vestris peticionibus ostium augustalis clemencie reserantes privilegium prescriptum cum toto suo tenore gratum et ratum habentes presentis scripti patrocinio perpetuo valituro ex certa sciencia ratificamus, approbamus, confirmamus ac eciam de novo con- cedimus et innovamus. Nulli ergo omnino hominum liceat hane nostre recti- ficacionis, approbacionis et confirmacionis paginam infringere aut ei ausu temerario contraire. Si quis autem contravenire presumpserit, preter indigna- cionem nostram, quam ipsum3 incurrere volumus ipso facto, penam centum librarum auri puri, quarum medietatem fisco, id est nostre imperiali camere, reliquam vero iniuriam passis applicari volumus, se noverit incurrisse3. In cuius rei testimonium presentes conscribi et nostre maiestatis sigillo iussi- mus communiri. Datum in Monaco die sjibbati post invencionem sancte crucis anno domini millesimo tricentesimo tricesimo regni nostri anno sexto decimo imperii vero tercio.

IV, 281 v. Orig. Stuttgart. citat Boehmer n. 1123. 1. ex uotis B. 2. deest B. 3. B.