Je Juliens, seignor de Seete et de Biafort, faiz a savoir a toz ces, qui cest present escrit verront et oront, que an Pan de 1'incarnation de nostre seignor Jhesu Christ m et cc et lvi ou mois de novembre vint a la presence de mon bailli Bartholomeu Monge et de ma cort frier Gautier le commandeor des freres des Alemans de Seete par le commandemant dou maistre et dou convent de la dite maison et sire Jehan dou Schuf, fiz de sire Andre de Schuf, et finerent ansamble por lor bone volunte et par la moie des deus fies, que le devant dit Jehan tenoit et devoit tenir de moi an tel maniere, que les freres de Alemans doivent tenir perpetuament le fie, que il tenoit de moy an la terre de Schuf an caseaus et an gastines et an autres droitures et an rai- sons et gesin et totes apartenances an caseaus et an gastines et totes lor raisons et totes lor droitures, queque part que elles soient et ou que elles soient, franchement et quitemant sanz servise par ansi que ansi que se devant dit Johan et ses heires apres li doivent recevoir de la dite maison chascun an au tens de trieve m bisans sarazinas au peis d'Acre a paier de trois an trois mois cc et 1 besanz et au tens de guerre vc besanz a paier as devant diz termes c et xxv besanz franchement et quitemant senz servise a li et a ses heirs. Et sor tot ce le devant dit Jehan et ses heirs doivent retenir a lor «us dez devanz diz Schuf trois gastines, qui sunt pres de la ville de Seete, c'est a savoir la Sauraanie et la Begelie et Bescote et le jardin et la terre, qui est au plain devant Seete, et les maison, qui sunt dedanz la viHe de Seete. Et le devant dit Jehan jurai sor les sainz evangiles de tenir totes les cove- nances devant dites anterinement senz mal angin. Et de ce sunt garant sire Jofrei de Vilers et Hue sonz fiz et Gui de Mimars et plusors autres. Et por ce que cest fin fui faite par ma volunte et par mon otroi et par la volunte des parties desus nomes et que le devant dit bail avoit eu special commau

dement sor ce fait de moi, vul je, que elle soit tot jorx ferme et estauble et que nul1 puise aler a 1'ancontre an tot ou am partie et por ce ai je fait faire cest presant escrit seeler de ma bulle de plumb ampraint de mes drois coinz de ma seignorie de Seete. Et cest escrit fui fait an 1'an de 1'incarnation de nostre seignor Jhesu Christ m et cc et lviii a 1'unceisme3 jor de juing.

III, 162. In margine legitur: „Non valet, quia postmodum fuit factus alius contractus". 1. nus B. 2. unceume B.