Universis presentes litteras inspecturis Petrus dechanus, Guido archi- diaconus Monovasiensis salutem in domino. Noverint universi, quod venerabilis pater P. bone memorie quondam Coroniensis episcopus, .. abbas et prior de Saracaz litteras domini pape sub hac forma receperunt:

Gregorius episcopus etc. (sequitur electo Coroniensi, abbati et priori de Saracaz missa bulla de 1237 sept. 16 Viterbii supra p. 136 n. 136). Verum quia predicti episcopus et eius college legitime impediti mandatum domini pape exequi minime potuerunt, ut debebant, vices suas nobis totaliter delegaverunt. «Vblentes igitur eorundum obedire mandatis, ad dictam domum beati Iacobi anno domini m° cc° xxx° viii° mense septembri cum viris providis et discretis accessimus personaliter diligentissime inquirentes, utrum domus ipsa esset exempta vel alteri ordini subiecta. Unde, cum nobis veraciter constitisset dictam domum esse exemptam et alteri ordini non subiectam, sicut fratres, qui pre- sentes erant, oretenus confitebantur, fratribus predicte domus ad ordinem Theu- tonicorum licenciam iuxta domini pape mandatum concessimus transeundi. Quedam vero pars dictonim fratrum sancti Iacobi habitum Theotonicorum pacifice susceperunt. Datum anno domini m° cc° xl° mense maio.

Universis Christi fidelibus, ad quos littere presentes pervenerint, Iohannes dei gracia episcopus et Albricus decanus Lacedemonenses salutem et prosperos ad vota successus. Noverit universitas vestra, quod nos vidimus omnes litteras sigillatas, quarum snperius transscripta in presenti sedula1 continentur et eadem de verbo ad verbum transscribi fecimus. In cuius rei testimonium sigilla nostra presenti cartule apposuimus. Actum anno domini m° cc° xl° mense octobri.

I, 54 n. 104 et 57 v. n. 111. 1. i. e. scedula. Agi videtur de n. 131. 134. 135. 136. 138, quae praecedunt.