Je Guillaume de la Mandelee, seignor de Schandelion, et je Agnes, dame de Schandelion, espouse dou dit Guillaume, fasons assaveir a toz ceaus qui sont et seront, que nos remembrant et conoissant les grans bontes et servises,

que vos le religious et honestes frere Herteman de Helderunge, grant com- mandor de la sainte maison de 1'hospital de nostre dame des Alemans et te- nant luec de maistre ou reaume de Jerusalem, et les freres de la dite maison nos avez fait a nos granz besoignes et especiaument en aveir nostre seignorie de Scandelion, de nostre bon gre et de nostre bone volente donons et otreons en aumosne perpetuel a toz jors mais por nos et por noz heirs et por nos successors franchement et quitement a vos les devant diz comandor et freres de la dessus dite maison des Alemans receivant por le relegious et honeste frere Anne honorable maistre de la dite maison des Alemans et por vos et por voz successors quatre cens basanz saracenas au peis d'Acre de rente chascun au et asenons por nos et por noz heirs et por noz successors vos et voz suc- cessors a recever les devant diz quatre cens besanz de la feste de la toz-sains premier venant en avant chaschun an perpetuament par tout le meis de hui- tovre sur toutes les rentes, que nos avons et aurons quex queles soient et ou qu'eles soient as miaus aparans par tel maniere, que, se il aveneit, que nostre seignor feist son comandement de monseignor mon pere, mesire Jaque de la Mandelee, avant que de mei, le dessus nome Guillaume, je le devant nome Guillaume por mei et por mes heirs et por mes successors asene vos et voz successors a receveir chascun an les quatre cens besanz saracenas dessus diz sur 1'escheete, qui escharoit a mei ou a mes heirs de par mon dit pere, et faisant vos prevelige valable et estable de 1'asenement des quatre cens besanz devant diz sur la dite escheete vos m'estes tenuz a mei et a mes heirs et a mes successors por vos et por voz successors de quiter mei a toz jors ce de- vant dit asenement, que nos vos avons fait sur totes noz rentes por les dessus motis quatre cens besanz, que nos vos avons done chascun an de rente en aumone perpetuel, si com il est dessus devise, et de rendre mei ce present prevelige, le quel sera casce et nul. Et por ce que1 nos volons que les choses dessus dites soient tenues et maintenues fermes et estables, si que nos ne noz heirs ne autre por nos n'en puissons aler a 1'encontre d'aucune chose en tout ou en partie, avons nos fait faire ce present prevelige buller de plumb em- preint en noz dreis coins de nostre seignorie de Schandelion ou la garentie de noz homes, de quex ce sont les nom: Aufrei de Schandelion; Jaque Vi- dau; Auberi Antiaume; Jaque de la Colee, prior de Proeis. Ce fu fait en 1'an de 1'incarnation nostre seignor Jhesu Crist m cc Ixiii a 1'issue dou meis de juin.

III, 168. 1. supplevi.