Alexander episcopus servus servorum dei dilectis filiis magistro et con- ventui1 hospitalis sancte Marie Theutonicorum Ierosolimitani salutem et apo- stolicam benedictionem. Pie conversationis et vite vestre merita nos in- ducunt, ut desideria vestra in hiis, que digne possumus, affectu benevolo com- pleamus. Sane divinum officium, quod secundum ordinem dilectorum filiorum fratrum Predicatorum in ordine vestro ex concessione sedis apostolice, prout accepimus, observatur, ad quamdam formam secundum deum religioni vestre congruam et salubrem per quosdam ex fratribus vestris clericis viros utique timoratos et providos ac in spiritualibus circumspectos cum magna diligentia et vigilante studio est redactum. Nos itaque vestris supplicationibus inclinati, quod in hac parte factum est, ratum habentes et firmum, id auctoritate apo- stolica de certa scientia confirmamus et presentis scripti patrocinio communi- mus, districtius inhibentes, ut de predicta forma ipsius officii, que ad presens in eodem ordine vestro servatur, nullus sine consensu maioris et sanioris partis vestrum aliquid de cetero innovare vel immutare presumat. Irritum etiam et inane decernimus, si contra huiusmodi confirmationem et inhibitionem nostram secus fuerit attemptatum. Nulli ergo omnino hominum liceat hanc paginam nostre confirmationis, inhibitionis et constitutionis infringere vel ei ausu teme- rario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit in- cursurum. Datum Laterani iii kal. martii, pontificatus nostri anno tertio.

Sine dato: II, 133v. magistro et conventui; A. 20 n. 104 Latino et Oermanice cum nota: „est in Meguncia vel in Merginthcym, Frankinfort vel Erfordia vel Aldinburg"; „Is ist zcu Mencze item zcu Mergentheym adir Frankinfort, Erffort ader Aldenburg''. Apographum fere de anno 1423 valde corruptum et mutilum in fine e codice 4 n. 10 bibliothecae, quae dicitur Omnium Sanctorum, ad aedem Marianam Dantisci asservatac cd. Th. Ilirsch Die Oberpfarrkirche von S. Marien in Danzig. Danzig 1843. 8°. I, 211, unde repetiit male Alexandro V (1409 —1410) adscribens Krflger Der kirchliche Ritus in Preufsen wahrend der Herrschaft des Deutschen Ordens in Zeit- schrift fftr die Geschichte und Alterthumskunde Ermlands. Braunsberg 1866. III, 704. — Cmn

dato ex originali tunc Mergenthemensia archivi, quod nunc cum bulla in filia sericeis appensa in archivo ordinis Theutonici Vindobonensi asservatur, ed. de Wal Recherches II, 352; unde repetiit Hennes I, 152 n. 163. — Cum dato etiam A. 16 p. 4sq. „Venetiis". 1. conventui II. 2. fra- tribus H. *