Alexander episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, decanis, archidiaconis et aliis ecclesiarum prelatis, ad quos littere iste pervenerint, salutem et aposto- licam benedictionem. Ex parte dilectorum filiorum .. magistri et fratrum hospitalis sancte Marie Theotonicorum lerosolimitani nobis est oblata querela, quod, licet vobis per litteras nostras dederimus in mandatis1, ut subiectos vestros, ne ab eisdem magistro et fratribus vel eorum hominibus de victualibus, vesti- mentis, pecudibus seu de aliis rebus eorundem fratrum usibus deputatis peda- gium, passagium, caucagium seu theloneum aut aliam quamlibet consuetudinem exigere vel extorquere presumant, per excommunicacionis in personas et in terras eorum interdicti sententias, si necesse fuerit, compellatis; vos tamen non solum id efficere negligitis, verum eciam, quod est gravius, licet hoc de facili credere non possumus, ab eis premissa pro voluntate vestra facitis ex- torqueri. Cum autem ipsi apostolice benignitatis auxilium super hoc duxerint humiliter implorandum, universitatem vestram rogamus et hortamur attente per apostolica vobis scripta precipiendo mandantes, quatenus provide atten- dentes, quod iidem magister et fratres pro sue religionis meritis nullis molestiis affici, sed piis debent beneficiis confoveri, a predictis exactionibus et extor- sionibus penitus desistatis et taliter ipsos iuxta litterarum nostrarum tenorem super hiis defendatis ab aliis, quod exinde apud nos possitis merito commendari nec super hoc dictis fratribus oporteat aliter provideri. Datum Anagnie x kalendas decembris pontificatus nostri quarto.

Sine dato: II, 120v. n. 82o; A.20 n. 102 Latinc ct Germanicc cum nota: In Confluentia. — Cum dato: IV, 215 n. 15 et in confirmatione Martini V de 1418 ianuar. 2; Ioh. 39. Edd. Caor- sinus C. 5, et Senner fol. E. 6 cum depravato initio Quod pro partc. 1. cf. 1257 maii 29 etc. Religiosos viros.