Otto dei gracia comes de Hennemberc universis Christi fidelibus, ad quos presens scriptum pervenerit, salutem in auctore salutis. Suboriri solet de gestis hominum multa calumpnia, nisi robur lingua bonorum testium adhibeat aut scriptura. Eapropter ad noticiam presencium ac futurorum Ihesu Christi fide- lium pervenire volumus, quod nos et uxor nostra, Beatrix nomine, Ioscelini comitis quondam filia, ac filius noster Otto unito penes nos consilio hospitali sancte Marie domus Theutonicorum in Ierusalem omnem hereditatem, quam ex progenitorum suorum successione uxor nostra predicta in regno Ierosolimitano possedit vel possidere debuit, diminutione qualibet remota pro septem milibus marcharum argenti et pro duobus milibus bisantiorum libere vendidimus. In- super tria milia bisantiorum et cc et 1* bisancios, quos pro domino Guillelmo de Mandelia persolvere tenebamur, dicte domus fratres loco nostri persolve- runt . Hunc autem vendicionis nostre contractum in presencia domini Iohannis regis Ierosolimitani et suorum baronum ac fidelium Hermanno de Salza, ma- gistro domus Theutonicorum, suisque fratribus legitime stabilivimus, quin- gentis eciam marchis argenti proinde regi supradicto collatis ab eisdem fra- tribus. Ne igitur in posterum hec rationabilis expiret actio, sed rata et in- convulsa semper permaneat, presentem paginam plumbea bulla nostra com- munitam sepedicto1 H(ermanno), magistro domus Theutonicorum, et suis fra- tribus pro confirmationis titulo tradidimus. Huius rei testes sunt dominus

Radulfus de Tyberiade, senescalcus regni Ierosolimitani; dominus Wernerus de Egisheim, cognatus eius; dominus Haymo; dominus Guillelmus de Beryto; dominus Rohardus de Caypha, camerarius, frater eius; dominus Ioffridus de Caffra; dominus Henricus de Brenne; dominus Albertus, frater eius; dominus Henricus de Gebwylre3; dominus Henricus de Ruwach et alii quam plures. Actum publice aput Accon civitatem anno ab incarnacione domini m°cc0xx° indiccione viii° iii° kal. iunii.

I, llv. n. 19. Edidit Iohannes Voigt, Graf Otto von Henneberg und die Botenlaube bei Kissingen in: Neue Beitrage jur Geschichte deutschen Alterthums. Herausgegcben von dem Hen- nebergischen alterthumsforschenden Verein durch Georg Bruckner. Meiningen 1858. 1. Lieferung. 70 sq. 1. legendum videtur: supradicto. 2. ante y o expunctum.