Ego Ricardus Filangerius mariscalcus imperialis, regni Ierosolimitani baiulus et sacri imperii legatus in partibus Syrie, notum facio universis pre- sentes litteras inspecturis, quod Isabella de Betsan, filia quondam Philippi Ruffi et Bertrandus Porcelet maritus suus in presencia mea et aliorum nobilium et curie regni Ierosolimitaui de bona et gratuita voluntate ipsorum dederunt in elemosinam et vendiderunt fratri Lutolfo, tunc temporis preceptori1 domus hospitalis sancte Marie Theotonicorum Ierosolimitani, recipienti loco et iure ipsius domus et magistri sui duo casalia videlicet Arrabiam et Zechanim cum omnibus pertinenciis et iusticiis eorundem et gastinis3 Beihenne, Mezera, Mis- kalym, cum villanis predictorum casalium et gastinarum ipsarum et eorum uxoribus ac filiis, terris laboratis et non laboratis, montibus, vallibus, planis, nemoribus, aquis et pascuis, receptis inde ab eodem preceptore nomine dicte domus hospitalis tribus milibus et sexcentis bisantiis sarracenatis ad haben- dum et possidendum eadem casalia cum gastinis et omnibus hominibus ac tenimentis ipsorum pleno iure dominii et ad faciendum ex eisdem casalibus quicquid velint; propter quod mihi dictus preceptor supplicavit, ut donationem et vendicionem ipsam sibi et domui dicte factam, prout superius continetur, sigillo meo roborarem. Ego igitur attendens grata et accepta dicte domus servicia, que domino imperatori dudum exibuit et exibet incessanter, suis precibus inclinatus donationem et venditionem sibi et domui sue factam ab eisdem Isabella et Bertrando Porcelet de casalibus supradictis, sicut superius

est expressa, presenti pagina sigillo meo roboravi et subscriptis testibus con- firmavi. Hnins rei testes sunt: Boemundus dominus Botoronis; Thomas de Ham, conestabulus Tripolianus; Henricus de Rufi et Radulfus nepos eius; Phi- lippus de Maugastel; Ingerrannus de Femium. Actum est hoc anno dominice incarnationis m° cc° xxx° iiii°.

I, 21 v. n. 37. 1. littolfo tunc temporis preceptoris B. 2. gastinis et B.