ordinem vestrum dextera divina plantatum speciali prerogativa dileccionis et gracie in Christi visceribus amplexantes delectemur in eo tanquam in odore agri pleni, cui dominus benedixit, et ad profectus vestros intimis aspirantes affectibus, que vobis profutura cognoscimus, nullis preventi precibus eo1 liben- cius procuremus, quo votis vestris accedit conspectius quicquid vobis grati pro- venit incrementi, nequaquam egre ferre vos decet, sed debetis pocius acceptare, si vobis in eo deferendum non ducimus, in quo et nobis et vobis posset apud deum et homines iustissime derogari. Sane, cum abnegantes salubriter vosmet- ipsos illi vos dicaveritis voto sollempni, qui celsitudinem divinitatis humilians et formam servi suscipiens exaltat humiles in salutem, nimis vos redderetis notabiles nosque graviter turbaretis, si, quod absit, aliquo spiritu elationis ab- ducti humilitatis Christi negligeretis vel in modico disciplinam, vel, quod avertat dominus, emulationis livore percussi erga illos vestram remitti pate- remini caritatem, quos vobiscum uni domino famulantes ardenti debetis amore complecti, ut diligentes servi conservos famulatum vestrum reddatis domino graciorem. Ceterum intellecto iam dudum, quod aliqui vestrum scandalizari videbantur utcunque, quin eciam questione suborta pro eo, quod . . magister et fratres domus hospitalis sancte Marie Theotonicorum mantellis albis utantur, quasi esset eis in hoc similitudo vestri habitus interdicta, nos cupientes de regno ecclesie colligere scandala venerabili fratri nostro patriarche Ierosolimi- tano, apostolice sedis legato, sicut nostis1, pluries super hoc direximus3 scripta nostra, quorum tenores vos non credimus ignorare. Cumque dictus patriarcha processus per eum habitos suis nobis litteris intimans tandem totum negocium ad nostram presenciam destinarit, quia idem magister predicte domus sancte Marie Theotonicorum apud sedem apostolicam constitutus privilegium4, per quod statuitur, ut ordo domus vestre circa clericos et milites et alios fratres in domo sua perpetuis temporibus observetur et indulgenciam, per quam omnes libertates, immunitates et indulgencie domui vestre ab apostolica sede concesse sue domui conceduntur, necnon et specialem indulgenciam de mantellis ordini suo a pie memorie Honorio predecessore nostro clementer indultas6 et inno- vatas a nobis6, ac confirmationem ab eodem predecessore nostro sibi conces- sam7 super cc unciis auri, quas karissimus in Christo filius noster F(ridericus), Romanorum imperator8 illustris semper augustus et rex Sicilie, pro albis man- tellis emendis ad usum fratrum militum sue domus sibi et fratribus suis pia liberalitate donavit exsolvendas annis singulis, nobis exhibuit intuendas, nequa- quam vobis vidimus expedire, ut in negocio procederetur eodem, ne forsitan notaremini, si eveniret exinde aliquid, quod nolletis. Cum autem iam multi remurmurent admirantes, quod super huiusmodi articulo scandalum vel questio potuerit suboriri, prout potestis plenius intelligere, quam nos deceat, ne vide- retur asperum explicare; universitatem vestram rogamus, monemus et horta- mur in domino per apostolica scripta mandantes, quatinus provide attendentes, quod, si huiusmodi zelus et contentio ultra procederent, facile vobis posset apostolica auctoritate concludi, quod adhuc secundum hominem ambulatis, qui

spiritu credimini ambulare, eo quod caritas non emulatur nec que sua sunt expetit sed que Christi, a questione tali spontanei desistatis, que nec debuerat inchoari, cum, si forsitan obtineretis in ea, nil inde vobis nisi nota quedam accresceret, que vix posset de facili aboleri; sed eosdem magistrum et fratres sincera in domino caritate tractetis ita, quod ex hoc deo et hominibus pla- ceatis nosque devocionem vestram possimus merito commendare. Ad hec, quia venerabilibus fratribus nostris patriarche Ierosolimitano 9 et Acchonensi epi- scopo10 nostris damus litteris in mandatis, ut vos ad premissa moneant et in- ducant, volumus, ut eorum monitis attencius intendatis ipsorum consilium ad effectus graciam deducentes. Datum Anagnie xvii° kalendas octobris ponti- ficatus nostri anno quarto.

I, 82. Templi magister tune erat Petrus de Monteacuto. 1. et I. 2. nostris I.

3. direxerimus I. 4. Est constitutio: „Vestra religio". 5. v. n. 308 de 1221 ianuar. 9.

6. v. n. 417 de 1227 iulii 2. 7. 1222 april. 19 t. n. 161. 8. tunc nondum imperator; v. n. 146

de 1217 maii 25. 9. Geraldus. 10. Iohannes.