Martinus episcopus servus servorum dei ad futuram rei memoriam. Pro- visionis nostre debet provenire subsidio, ut dubia, que ex concessionibus per nos factis oriri posse arbitrantur, ne litis, anfractuum seu scandalorum par- turiant fomentum, nostro moderamine declarentur. Dudum siquidem per nos accepto, quod dilectus filius Wygandus Grabow, clericus Curoniensis, cupiebat una cum dilectis filiis magistro et fratribus hospitalis beate Marie Theotoni- corum Ierosolimitani in hospitali ipso, in quo certus fratrum numerus non

existit, sub regulari habitu virtutum domino famulari quodque prepositura ecclesie Curoniensis per predictos fratres regi consueta, quam quondam An- dreas de Cur, ipsius ecclesie prepositus, dum viveret, obtinebat, per eiusdem Andree obitum, qui extra Romanam curiam diem clausit extremum, vacaverat et vacabat, tunc nos certis iudicibus per quasdam, ut prefatum Wygandum, si foret ydoneus et aliud canonicum non obsisteret, auctoritate nostra in eodem hospitali, dummodo ex hoc nimium non gravaretur, facerent recipi in fratrem sibique iuxta ipsius hospitalis consuetudinem regularem habitum exhiberi ac de communibus ipsius hospitalis proventibus sicut uni ex aliis prefati hospi- talis fratribus integre responderi ipsumque ibidem sincera in domino caritate tractari et nichilominus regularem professionem per eosdem fratres emitti solitam ab ipso Wygando, si eam in illorum manibus sponte emittere vellet, eadem auctoritate reciperent et admitterent, ac per alias nostras litteras dedi- mus in mandatis, ut preposituram predictam, que curata et dignitas maior post pontificalem in dicta ecclesia existit, sive ut premittitur, sive alias quovis modo aut ex alterius cuiuscumque persona vacaret, dummodo tunc non esset in ea alicui specialiter ius quesitum, cum omnibus iuribus et pertinenciis suis eidem Wygando, postquam in fratrem, ut premittitur, ipsius hospitalis receptus et sibi habitus ipse exhibitus foret et professionem emisisset, eandem conferre et assignare curarent, prout in eisdem litteris plenius continetur. Postmodum vero, sicut exhibita nobis nuper pro parte dictorum magistri et fratrum peticio continebat, orta inter dilectum filium Theodericum Tanken, fratrem dicti ho- spitalis, cui de prefata prepositura sic vacante ordinaria fuit auctoritate pro- visum quique illam assecutus extitit, ac eundem Wygandum super dicta prepo- situra et eius occasione materia questionis et causa huiusmodi per appellacionem dicti Theoderici ad sedem apostolicam legitime iutroducta, nos causam ipsam dilecto filio magistro Geminiano de Prato, capellano nostro et causarum palatii apostolici auditori, ad instanciam prefati Wygandi audiendam commisimus et fine1 debito terminandam; ac successive, postquam idem auditor in ea ad non- nullos actus citra tamen conclusionem inter partes ipsas processerat, pro parte dicti Wygandi nobis exposito, quod a nonnullis assereretur, neutri ipsorum Wigandi et Theoderici in dicta prepositura seu ad eam ius competere; nos denuo prefato Wygando de ipsa prepositura sub certis modo et forma graciose concessimus provideri. Cum autem, sicut eadem peticio subiungebat, licet iuxta privilegia et indulta apostolica necnon consuetudines legitimas hospitalis eius- dem ipsi magister et fratres de quacunque prelatura seu dignitate vel baliva aut etiam quovis officio dicti hospitalis per quascumque dicte sedis aut lega- torum eiusdem litteras providere alicui minime teneantur inviti sive earum pretextu ad illam vel illud admittere aut in dicti hospitalis fratrem recipere quemquam soliti non existant, an tamen per literas nostras necnon concessionem predictas ipsis privilegiis indultis et consuetudinibus derogari voluerimus, ab aliquibus hesitetur; nos ad huiusmodi ambiguitatis tollendum dubium per literas nostras et concessionem predictas, eciam sub quavis verborum forma concepte

reperiantur, premissis privilegiis, indultis et consuetudinibus aut alicui ex illis minime derogari voluisse sive velle, sed illa nichilominus in suo vigore plenarie permansisse et remanere debere presentium serie declaramus, decernentes literas nostros et concessionem predictas ac quecumque inde secuta, in quantum eis- dem privilegiis, statutis et consuetudinibus aut ipsorum alicui adversari sive detrahere videantur, nullius subsistere robore firmitatis, non obstantibus pre- missis ceterisque contrariis quibuscumque. Nulli ergo omnino hominum liceat hanc paginam nostre declaracionis et constitucionis infringere vel ei ausu teme- rario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se noverit in- cursurum. Datum Florencie viii kalendus septembris pontificatus nostri anno secundo.

Garisendes. Pro Arpino

Io. Leonis 777.

IV, 246 v. Originale cum bulla plumbea in filis sericeis rubris et luteis pendente in archivo Begimontano citat Napiersky Index I, 208 n. 911, unde subscriptiones mutuavimus. 1. sine B.