Ordinis Theutonici, Nr. 64, S. 67
Coneua chose sia a toz ceus, qui sunt et qui avenir sunt, que je Boe- munz, per la grace de deus prince de Anthioche et conte de Triple, en bona fei per bona volente doins et otrei et conferm en aumosne pardurablement por dei, por 1'arme de moi et de mon pere et de ma mere et de toz mez antecessors a tei, freire Hermant, maestre de la chavalerie de la sainte maison de Nostre dame de 1'hospital des Alamans, et a freires de la meismes maison et en aide deu labor deu chastel, que vos fermes per doner force a la cri- stiante encontre les Sarrazins, c bisances en assisa chascun an pardurable- ment, los qels c bisances vos recevrez et aurez et cil, qui serunt apres vos en la mesmes santa maison de Nostre dame de 1'ospital des Alamans, en pais, senz calonge, franchemenz, quitement1 de m'asize, que je ai en la fonde e en la chaene d'Acre, chascun an pardurablement en la manere, que je teins ceste moie acize en Acre, c'est a saver de iii mois en iii mois. Et por ce que c'est mien don, que je ai fait a tei, frere Herman, maistre de la chavaleria de la sancta maison de Nostre dame de 1'ospital des Alamans, et a meesmes la maison et a freires seit ferm et estable perdurablement a toz jors, je ai fait escrivre ce present privilege et garnir et confermer de mon seel de plom et des garens dessos nomes, c'est a saver Boemon, sire deu Botron; Mansel de Gibel; Ugue Dal- mas; Bonacors; Raimont de Mareclee; Raimunt Arra; Perre de Scandalion; Guiscart de lTsle; Renaut Faisant. Ceste chose es faite et donee les 1'en- trant deu mois de juing en 1'an de la encarnation nostre seignor m° et cc° et xxviii°.
I, 30 n. 67. 1. 4 rernt B.
Tabulae Ordinis Theutonici, Stehlke, 1869 (Google data) 64, in: Monasterium.net, URL </mom/OrdinisTheutonici/c656ced3-7742-4e1c-8df4-5edcf9194273/charter>, accessed at 2024-05-06+02:00
The Charter already exists in the choosen Collection
Please wait copying Charter, dialog will close at success