Karolus quartus, divina favente clemencia Romanorum imperator semper augustus et Boemie rex, ad perpetuam rei memoriam. Etsi imperatorie maiestatis circumspecta benignitas universorum saluti dignatur intendere et publica commoda frequenti sollicitudine promovere, laborat plus de subditorum quiete contenta, quam si proprii thesauri tumulos adaugeat; ad illos tamen quadam singulari gracia benigne dirigitur, qui sub honorande professione virtutis grata religione mili- tant et divinis laudibus insistentes gratum reddunt obsequium altissimo crea- tori. Sane pro parte religiosorum magistri generalis et tocius universitatis fratrum et Cristi militum domus Theutonice ordinis sancte Marie hospitalis Ierosolimitani, devotorum imperii et dilectorum nobis fidelium, cesario culmini nostro nuper oblata supplicacio continebat, quatenus ordini et universitati ipso- rum tam in capite quam in membris universa et singula privilegia, litteras, libertates, gracias et indulta, que et quas a recolende memorie divis Roma- norum imperatoribus et regibus predecessoribus nostris super quibuscumque possessionibus, rebus, iuribus aut honoribus obtinuisse noscuntur, approbare, ratificare et confirmare de imperialis celsitudinis gracia dignaremur. Nos, con- sideracione dei omnipotentis ad honorem gloriosissime virginis, beatissime geni- tricis ipsius, cuius preciose vocabulo decoratur tytulus ordinis supradicti, habito respectu ad multiplicia merita probitatis et indefesse virtutis constanciam, quibus ordo predictus et clari professores ipsius nos et ipsum sacrum imperium sollicitis animis et pervigili studio frequencius honorarunt, presertim cum sup- plicatio predicta de fonte racionis emanet et iuste petentibus non sit denegandus assensus, animo deliberato, sano principum, baronum et procerum nostrorum et sacri imperii accedente consilio ordini supradicto tam in capite quam in membris universa et singula privilegia sive litteras, que et quas super bonis antedicti ordinis in genere et singularium locorum, domorum seu habitacionum in specie, in quibuscumque eciam regnis, principatibus, comitatibus, dominiis sive terris aut insulis consistant, quibuscumque iuribus, possessionibus, proprie- tatibus, castris, civitatibus, terris, provinciis, territoriis, vasallis, vasallagiis, feodis, feodatariis, iudiciis, theoloneis, vectigalibus, daciis, monetis, gabellis, libertatibus, emunitatibus, honoribus, obvencionibus, proventibus, redditibus et singulis quibuscumque rebus, utilitatibus sive emolumentis, quibuscumque eciam specialibus designentur vocabulis, a divis Romanorum imperatoribus et regibus, predecessoribus nostris, obtinuerunt hactemls, in omnibus suis tenoribus, sen- tenciis, punctis et clausulis de verbo ad verbum, prout scripta seu scripte sunt, acsi tenores omnium forent inserti presentibus, eciamsi de hiis iure vel con- suetudine deberet fieri mencio specialis, auctoritate imperiali et ex certa nostra sciencia approbamus, ratificamus et de singulari benignitatis gracia confir- mamus. Nulli ergo omnino hominum liceat hanc nostre approbacionis, rati- ficacionis et confirmacionis paginam infringere vel ei ausu temerario contraire.

Si quis autem contrarium attemptare presumpserit, penam centum librarum auri puri se noverit irremissibiliter incurrisse, quarum medietatem imperiali fisco1 nostro sive erario, reliquam vero partem ipsis fratribus et eorum ordini volumus applicari.

Signum serenissimi principis et domini (Locus monogrammatis.) domini Karoli quarti, Romanorum imperatoris invictissimi et gloriosissimi Boemie*regis.

Testes buius rei sunt venerabilis Gerlacus, sancte sedis Maguntine archi- episcopus, sacri Romani imperii per Germaniam archicancellarius; et magni- ficus Rupertus senior, comes palatinus Reni, archidapifer et dux Bavarie; Ru- dolphus, dux Saxonie, archimarescallus sacri Romani imperii; necnon illustres Bolko Falkembergensis, Bolko" Opuliensis, lohannes Oppavie et Przimislaus3 Teschinensis duces; et spectabiles Iohannes Nurembergensis, Burghardus Magde- burgensis burgravii et alii quam plures presencium sub bulla aurea typario nostre maiestatis impressa testimonio litterarum. Datum Nurenberg anno do- mini millesimo tricentesimo quinquagesimo quinto indiccione octava xvi ka- lendas ianuarii, regnorum vero nostrorum anno decimo imperii autem primo.

IV, 293. 1. fistcho B. 2. Balko B. 3. przmislaus B.