Notum sit universis presens privilegium inspecturis, quod nos Radulfus miseratione divina Acconensis ecclesie minister humilis de consensu et volun- tate capituli nostri pensata utilitate ecclesie nostre ad preces fratris Lutolfi magni preceptoris et tenentis locum magistri domus hospitalis Alamanorum in Accon et tocius conventus eiusdem domus dedimus et concessimus eidem fratri Lutolfo recipienti pro dicta domo duos iardinos ecclesie Acconensis sitos in territorio Acconensi supra rippam fluminis Acconensis sub annuo censu lxx° v" bisanciorum sarracenatorum1 habendos et tenendos in perpetuum et possi- dendos iure proprietario cum omnibus introitibus, exitibus et iuribus suis, quo- rum fines sunt tales: ex parte orientis est molendinum regis, ex parte occiden- tis terra domus hospitalis Alamanorum, ex parte austri flumen Acconense, ex parte aquilonis via publica; tali conditione, quod magister, qui pro tempore fuerit, et domus dicti hospitalis tenentur dare et solvere sine dilatione et con- tradictione per singulos annos in festo exaltationis sancte crucis pro censu dictorum iardinorum nobis et successoribus nostris vel capitulo sede vaccante de thesauro domus iam dicte predictos lxx° v" bisancios sarracenatos ad pon- dus Acconense bene ponderatos et numeratos. Si autem in solutione dictorum

bisanciorum per annum cessatum fuerit, postquam requisiti fuerint a nobis vel successoribus nostris vel capitulo sede vaccante, nos vel successores nostri vel capitulum sede vaccante sine contradictione aliqua non obstante privilegio ali- quo vel contractu propria auctoritate sine lesione iuris alterius cum omnibus hedificatis, seminatis et plantatis iardinos supradictos habebimus et ad ius et ad proprietatem ecclesie Acconensis sine difficultate qualibet revertentur iardini superius nominati. Nos vero tenemur fratribus dicte domus deffensare et ga- rentare secundum consuetudinem civitatis Acconensis iardinos superius memo- ratos, dicti autem fratres tenentur procurare et facere, quod magister domus, qui absens erat tempore contractus, hiis omnibus suum prebebit assensum et quod inter nos ex una parte et fratrem Lutolfum et conventum dicti hospitalis actum est, ratum habebit et firmum. Si vero predictus magister suum noluerit ad- hibere vel presentes litteras suo sigillo munire, dicti iardini ad ius et proprie- tatem Acconensis ecclesie libere revertentur, sicut superius expressum est. Ut autem presens privilegium ratum et inconcussum in perpetuum permaneat, ap- positione sigilli nostri plumbei et sigilli capituli necnon et canonicorum no- strorum et aliorum testium subscriptione fecimus roborari. Testes: Nicholaus, dechanus; Galterus, archidiachonus; Gaufridus, cantor; et Iohannes Yspanus, canonicus Acconensis; iudex Sanctorus et magister Matheus phisicus. Actum Accon anno domini m° cc° xl° ii° pridie kal. maii.

I, 83 v. n. 77. 1. bisancios sarr. B.