Alexander episcopus servus servorum dei dilectis filiis etc. salutem et apostolicam benedictionem. Vestre meritis religionis inducimur, ut vos prosequamur gracia, que vestris necessitatibus esse dinoscitur oportuna. Hinc est, quod nos vestris supplicationibus annuentes, utdeusuris1, rapinis et alias male aquisitis, dummodo hii, quibus ipsorum restitucio fieri debeat, omnino inveniri et sciri non possunt, necnon de redempcionibus votorum, que fuerint auctoritate dyocesanorum pontificum commutata, Ierosolimitano duntaxat ex- cepto, usque ad summam centum marcarum argenti recipere valeatis, auctoritate vobis presencium indulgemus1 et duximus concedendum, si pro similium re- cepcione alias non sitis a nobis graciam huiusmodi consecuti, ita quod, si aliquid de ipsis centum marcis dimiseritis vel restitueritis aut dederitis illis, a quibus eas receperitis, huiusmodi dimissum3 vel restitutum seu datum nichil ad liberacionem eorum prosit nec quantum ad illud habeantur aliquatenus absoluti. Nulli ergo hominum liceat hanc paginam nostre concessionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Anagnie x kalendas decembris pontificatus nostri anno quarto.

Sine dato: .Trcviris" A. 16 p. 114. — Cum dato: originale cum bulla in filis sericeis ap- pensa in archivo ordinis Theutonici Vindobonensi. 11. 14'J inter Treverensia. Cf. 1257 aug. 9. Inducunt nos. Speciale pro praeceptore ct fratribus h. s. M. Th. in Luzelburc Trcvcr. dioc. in archivo ordinis Theutonici Vindoboncusi cum bulla in filis scriceis rubris et lutcis appensa. 1. usura R. deest A. 16. 2. remissum A. 16.