Ego Iohannes dei gratia Latinorum Ierosolimitanus rex decimus notum facio tam presentibus quam futuris, quod vir nobilis Otto comes de Henneberk1 et domina Beatrix, uxor sua, filia pie memorie comitis Ioscelini, et Otto, eorum filius, coram me et curia mea voluntate et assensu meo vendiderunt fratri Hermanno, magistro domus hospitalis sancte Marie Teutonicorum Ierosolimi- tani, et fratribus eiusdem domus presentibus et futuris Castellum Regis cum omnibus pertinenciis suis, excepto casali, quod vocatur Ihazon, pro septem milibus marchis argenti boni et legitimi et duobus milibus bisanciorum sarra- cenatorum, et preterea pro tribus milibus et ducentis quinquaginta bisanciis, quos ad mandatum dictorum comitis et uxoris sue dicti magister et fratres persolverunt de debito domini Guilermi de Amigdala, qui sororem dicte Bea- tricis, filiam dicti comitis Ioscelini, habuit in uxorem. Vendiderunt siquidem prefatis magistro H(ermanno) et fratribus quicquid habebant vel habere debe- bant in dicto Castello Regis, tenendum et possidendum, sicut prefati comes et uxor sua et eorum antecessores tenuerunt et possederunt pacifice et libere. Hee sunt pertinencie et casalia dicti Castelli Regis videlicet: Tersyha, Carpha- sonie, Samohete, Geelin, Zoenite, Beletim, Tarphile, Rasabde, Supheye, Ca- pharra, Noseoquie, Danehyle, Lebeyne, lubie, Bechera, Habelye, Amca, Gez, Clil et medietas Noie. Similiter sunt de pertinenciis predictis Fasoce, Achara, Tayeretrane, Tayerebika, Fennes, Carsilie, Serouh, Gabatye, Horfeis, Roeis, Camsara, Cassie, Deleha, Derbasta, Raheb, Ezefer, Berzei; similiter et tercium feodi de sancto Georgio, cuius pertinencie et casalia sunt hec: Arket, Yanot, Cabra, Meblie, Saphet, Lemezera, Kemelye et tercium casalis dou Bokehel cum pertinenciis eiusdem et tercium de assisia, que est de hoc eodem feodo, scilicet tercium octingentorum bisanciorum assignatorum ad cathenam Accon,

cuius tercii summa est ducenti sexaginta vii bisancii minus tercia, quos pre- fati magister et fratres mihi et successoribus meis in perpetuum quitaverunt. Vendiderunt similiter prefati comes et uxor sua et eorum filius prefatis ma- gistro et fratribus assisiam duorum milium bisanciorum ad cathenam Accon assignatorum, quos similiter predicti magister et fratres mihi et successoribus meis in perpetuum quitaverunt. Quitaverunt eciam predicti magister et fratres mihi et successoribus meis quicquid ad presens est in manibus Sarracenorum, quod pertinet ad ea, que vendiderunt prefati comes et uxor sua et eorum filius, cum a fidelibus fuerit acquisitum. Vendiderunt preterea prefati comes et uxor sua et eorum filius predictis magistro et fratribus quandam (lomum in Accon, que fuit comitis loscelini, cuius situs talis est: ab oriente habet quandam ruellam, ab occidente quandam clausuram domuum, que sunt abbatis Montis Thabor; a meridie est via publica; a septemtrione coheret domui Ro- hardi domini Cayphe. Si vero in civitatibus Tyri vel Accon alique domus fue- rint, que ad supradictam vendicionem pertineant, cum a magistro vel fratribus dicti hospitalis fuerimus requisiti, in curia nostra plenum ius secundum con- suetudines terre faciemus exhiberi. Pro hac autem venditione, cui consensi et acquievi, recepi ego quingentas marchas argenti a prefatis H(ermanno) magi- stro et fratribus. Ut hoc autem ratum sit et firmum in perpetuum, ego ad utriusque partis peticionem presens scriptum precepi fieri et sigillo meo te- stibus subscriptis confirmari. Huius autem rei sunt testes Otto de Monte Be- liardo, regni constabilis; Radulfus Tyberiadis, regni senescalcus; Balianus, do- minus Sydonis; Garnerus Alemannus; Gilo de Beritho; Rohardus de Cayphas; Gaufridus de Cafran; Haimo1 Alamannus; Danyel de Malenbech. Actum anno domini m* cc° xx* mense mayo.

I, 12 n. 20. Ed. I. Voigt 1. c. 71. 1. hennebeck B. 2. haimo B.