Notum sit omnibus tam futuris quam presentibus, quod ego Amalricus per dei graciam in sancta civitate Ierusalem Latinorum rex quintus dono et concedo et confirmo beate Marie sancte domus hospitalis Theutonicorum pro anima mea et antecessorum meorum ccc bisancios sarracenatos in feudum re- cipiendos annuatim ad portam David per iiii°r anni terminos, scilicet in festo sancti Iohannis Babtiste et in festo sancti Remigii et in natali domini et in pascha, recipiendos tali siquidem tenore, et1 duos casalios Neapolis, quod di- citur Saffir, cum suis pertinenciis et villanis et Kafarhone cum suis pertinen- ciis et villanis et tres vineas in montania, que vocatur de Abel; in prima vinea est cisterna una sine aqua; in altera vinea est cava una de terra can- dida, et tertia3 vinea est ibi iuxta; et xx" iiii°r modios frumenti et xx" iiii°r modios ordei et sex modios leguminum, scilicet ad portam David in tempore messium annuatim recipiendos. Et de omnibus canamellis Neapolis pro infirmis Zaribel habebitis duas roddas zucari de mazara et de unaquaque pertica, que laborabitur canamellis, unaquaque ebdomada habebitis unam cudariam zucari de mazera. Et dono insuper istam helemosinam: franchisiam scilicet intrandi et exeundi, vendendi et emendi per totum regnum Ierosolimitanum de omnibus iurisdictionibus, quas ullus3 homo debeat reddere vel pagare, vos sitis liberi et quieti. Et si contingeret, quod de dictis rebus vos iam dictos4 hospitalis beate Marie Theutonicorum, ut supra dictum est, non posset esse pagatum, volo, quod super omnibus rebus meis ubicunque sunt intus vel extra Ierusalem et Accon posset pagari. Ut huius donationis et concessionis mee pagina rata vobis teneatur et indissoluta, presentem cartam testibus subscriptis et sigillo meo plumbeo muniri precepi. Factum est anno ab incarnacione domini m° c° lxx° vii° indictione xiiii°. Huius rei sunt testes dominus Eraclius sancte resurrectionis electus, Guido Ioppensis et Ascalonis comes, Anfridus consta- bularius regni, Rainaldus Sydonis dominus, Balianus Neapolis, Balduinus de Ybelin, Balianus frater eius, Milo de Plance, Galterus de Berito, Anselmus de Brie, Galterius de Mirabel vicecomes. Datum Ierusalem per manum Radulfi episcopi Bethleemite regnique Ierusalem vicecancellarii xvi° kal. novembris.

I, 23 n. 42. Quum Amalricus I rex 1173 iulii 11 iam obierit, quem paulo praecessit morte Radulfus Bethlehemitanus episcopus cancellarius, Milo de Planci 1173 octobri, llcraclius vero Ilierosolymitanus patriarcha 1180 demum electus sit et Guido Ioppes et Ascalonis comes factus, pro falso diploma habendum est. Caeterum 1177 anno respondet indictio x. Tflppen Des Deut- schen Ordens Anfange. Keue Preufsische Provinzialblatter 1849. VII, 234 ad annum 1166 reii- ciendum cssc coniecerat ob indictionem. In margine manu s. XIII B: respondeatur ut in prece- (denti). 1. deessc aliquid videtur. 2. cetera B. 3. quod nullus B. 4. cf. p. 7.