Eugenius episcopus servus servorum dei dilectis filiis sancti Cornelii et sancti Egidii in Nurenberg monasteriorum abbatibus ac decano ecclesie Sancti spiritus Heidelbergensis Leodiensis, Bambergensis et Wormaciensis diocesis sa- lutem et apostolicam benedictionem. Dudum felicis recordacionis Martinus papa V predecessor noster dilectis filiis magistro et fratribus hospitalis beate Marie Theotonicorum Ierosolimitani suas concessit litteras tenoris subsequentis:

„Martinus etc. Pro singulorum etc. (supra n. 712). Datum Rome apud sanctum Petrum quarto nonas marcii pontificatus nostri anno sexto".

Cum autem, sicut exhibita nobis nuper pro parte dictorum magistri et fratrum peticio continebat, ipsi ordinarii et alii, ad quos institucio spectat huiusmodi, nulla legitima subsistente causa frequenter iustitncionem predictam facere renuant sive non curent, nos cupientes, quod dicte littere sorciantur effectum, discrecioni vestre per apostolica scripta mandamus, quatenus vos vel duo aut unus vestrum per vos vel alium aut alios si et quociens vobis legi- time constiterit, quod ordinarii et alii predicti personas easdem, quas ipsi magister et fratres ad ecclesias et beneficia prefata pro tempore presentaverint

in illis absque racionabili causa instituere recusaverint vel post huiusmodi pre- sentacionem per mensem distulerint sive neglexerint et pro parte illorum, quo- rum intererit, desuper requisiti fueritis vos presentatas personas eciam hospi- talis huiusmodi, dummodo alias ydonee sint in ipsis ecclesiis et beneficiis, ad que presentate fuerint eadem auctoritate apostolica instituatis inducentes per vos vel alium seu alios ipsas presentatas personas vel procuratores suos eorum nominibus in corporalem possessionem ecclesiarum et beneficiorum predictorum, ad que presentate, ut premittitur extiterint, iuriumque et pertinenciarum eo- rundem et defendentes inductas ac facientes ipsis personis prout illas conti- gerit de ecclesiarum et beneficiorum huiusmodi fructibus, redditibus, proven- tibus, iuribus et obvencionibus universis integre responderi; non obstantibus omnibus supradictis seu si prefatis ordinariis vel quibusvis aliis communiter vel divisim a dicta sit sede indultum, quod interdici suspendi vel excommu- nicari non possint per litteras apostolicas non facientes plenam et expressam ac de verbo ad verbum de indulto huiusmodi mencionem, contradictores aucto- ritate nostra appellacione postposita compescendo. Datum Rome apud sanctum Petrum anno incarnacionis dominice millesimo quadringentesimo tricesimo primo, decimo octavo kalendas ianuarii pontificatus nostri anno primo.

IV, 255v. Cf. supra ad n. 718 de 1431 febr. 18.