Ego Isabella de Betsan, filia quondam Philippi Rufi, et ego Bertrandus Porcelet, maritus eiusdem, notum facimus universis presentes litteras inspecturis, quod nos vendidimus et de bona et gratuita voluntate in perpetuum quitavimus fratri Luttolfo, tunc temporis preceptori domus hospitalis sancte Marie Theo- tonicorum Ierosolimitani, recipienti1 loco et iure ipsius domus et magistri sui unum casale videlicet Arabiam cum omnibus pertinenciis et iusticiis eiusdem

casalis et cum omnibus gastinis Berhenne, Mizera, Miscalim, cum omnibus terris laboratis et non laboratis, montibus, vallibus, planis, nemoribus, aquis et pascuis predicti casalis et gastinarum ipsarum et cum omnibus villanis et eorum uxoribus ac heredibus eorum, cum omnibus possessionibus et heredita- tibus eorum supradictorum villanorum pro tribus milibus et sexcentis bisantiis sarracenatis, que tria milia bisantiorum et sexcentos nos recognoscimus rece- pisse ab eodem preceptore nomine dicte domus hospitalis ad habendum et possidendum idem casale cum omnibus gastinis et omnibus hominibus et teni- mentis eorum pleno iure dominii et ad faciendum ex eis supra nominatis rebus, quicquid velint. In cuius rei testimonium ego Isabella de Betsan et ego Bertrandus Porcelet presentes litteras sigilli nostri plumbei munimine fecimus roborari. Actum est hoc in presencia Ricardi Filangerii marescalci impe- rialis et regni Ierosolimitani balivi et sacri imperii legati in partibus Syrie. Huius rei testes sunt Boemundus dominus Bothoronis; Thomas de Ham, cone- stabulus Tripolitanus; Henricus de Rufi et Radulfus nepos eius; Philippus de Maugastel, Ingeramus de Femium. Actum est hoc anno domini m° cc° xxx° iiii\

I, 21 n. 35. 1. recipiente B.