Je Julien, seignior de Saiete et de Beaufort, faz a savoir a toz ceaus qui sunt et qui avenir sunt, que je doing et otroi et conferme a frere Anne honorable maistre de 1'hospital de nostre dame des Alemans en Jerusalem et as freres de cele meisme maison, qui sunt et seront, en aumone perpetuel quitement et franchement por 1'arme de moi et de mon pere et de ma mere et de mes ancestres et por le bon servise, que le devant dit maistre et les freres m'ont fait, toute ma terre dou Souf, que je au jor tenoie et devoie te- nir, et toute la seigniorie et toute la justise et toutes les raisons et totes les droitures, que je et mez heirs avons et avoir devons en cele meisme terre, ce est a savoir Bullel, Mahasser le grant, Delbon, Bethlon, le Barouc, le Fo- raidis, Queffra, la Zembacquie, Haynzehalta1, Haynhamer, Hainouzeih, la Orhanie, Bemmorhei, le Haddis, Ebbrih, Boussaih, la Fornie, Bahaclin, le Doeyir, Bossonnaih le haut, Caffar, Hommeledmith, Dardorith, Bessetfin, la Messeytie, Sarsorith, Tesfahta, la Homaira, la Loaize, la Fessaiteca, Kaffar- hammie, Daircossa, la Bakha, la Kanzirie, Benemssin, Bessemharrir, la Mou- garie, la Corratye, Bessonnaih le bais, Hommelmeguithe, Bahnayl, la Cune- yesce, et touz les cazaus et gastines nomees ou non nomees de cele meisme terre et totes lor apartenances et totes lor raisons et toutes lor dreitures quels que elles soient et ou quelles soient, en homes et en femes, en enfans, en bois, en aigues, en rivjeres, en molins, en montaignies, en plains3, en terres la- borees et non laborees et en toutes les autres raisons, que la devant dite terre et casaus et lor apartenances ont et doivent avoir. Et por ce que je vueill, que ceste miene aumone desus dite et cestui mien don soient fermes et estables a toz jors mais al devant dit maistre et a ses freres en la maniere que il est desus devise et que je ne mes heirs ne autre por nos ne nul de nos suc

cessors en aucuns tens ne puissons aler a 1'encontre de aucune chose fut en tout ou en partie, ai je fait cest present privilege seeller de mon seel de plomb empraint en mes droiz coinz de ma seigniorie de Saiete avec la ga- rentie de mes homes, des quels ces sunt les nons: Johan de la Tor, cone- stable; Johan Harneis, mareschal; Felipe de Beaufort; Jofroi de Viliers; Hue deViliers; Berteleme Monge; Felipe Hardel; Ote; Johan Genevois; Pierre d'Ancone; Johan de Nibar; Johan Pisan le vieill. Ce fu fait a Saiete en 1'an de 1'incarnasion3 nostre seignior Jesu Crist m cc et lvi au quatorsime jor del mois de jenvier.

III, 160. Subtus in margine alia manu scriptum est fol. 160: ce sont le(s) gastines, de qui la question est dou Temple et de nous, qui sont sur le damer, des quels ce sont les nons: la Delhemie; la Lehedie; la Mechaiera; Margekeneiroh. 1. hayn7ehalta B. 2. plais B.

3. B.