Ego Aymericus dei gracia rex Ierusalem nonus et rex Cipri notum facio omnibus presentibus et futuris, quod Paulus et frater suus1, filii Theodorici de Sarepta, in presencia nostra et in curia nostra et eciam curia iuratorum no- strorum existentes quandam domum cum iardino et universis suis pertinenciis, quam fratres hospitalis sancte Marie Theotonicorum ex dono bone memorie comitis Henrici et domine Isabelle tunc uxoris sue, illustris regis Amalrici filie3, tenebant in Tyro et exinde privilegium habebant, eidem hospitali et fra- tribus et infirmis in perpetuum concesserunt, quitaverunt et quietam clama- verunt omni iure, quod in eadem domo expetebant, eisdem fratribus renun- ciato, unde ob hoc fratres eiusdem hospitalis predicto Paulo et fratri suo cc bisantios sarracenatos dederunt, nos rogantes, ut exinde eis privilegium face- remus. Nos autem eorum precibus acquiescentes voluntate et peticione pre- dicti Pauli et fratris sui prenominatam domum cum iardino et universis suis pertinenciis predicto hospitali, fratribus et infirmis, voluntate et assensu pre- dicte domine Ysabellis uxoris mee, venerabilis regine, concedimus et confirma- mus in perpetuum, ita quod nos et successores uostri ipsam domum cum iar- dino et universis suis pertinenciis ab omni calumpnia dicti Pauli et fratris

sui et universe eorum progeniei debemus garantizare prescriptis fratribus et infirmis. Et si forte ipsi vel aliquis ex eorum progenie de dicta domo dein- ceps querimoniam fecerint, prorsus non audiantur. Quod ut ratum habeatur, presentem cartam sigillo nostro et testibus subscriptis precepimus communiri. Huius rei testes sunt Raynaldus Sydonis; Iohannes de Ybelino, regni conesta- bilis; Balduinus de Betsan; Vilanus de Alneto; Terricus de Tenero monte; Iohannes, regius marescalcus; Adam Coste; Willelmus de Petra; Aimon Daus. Factum est hoc anno dominice incarnationis m° cc° mense augusti. Datum Accon per manum domini Ioscii Tyrensis archiepiscopi regnique cancellarii.

I, 25 n. 47. 1. buus B. 2. cf. smpra n. 1195 aprili.