Alexander episcopus servus servorum dei dilectis filiis magistro et pre- ceptoribus et fratribus universis1 hospitalis sancte Marie Theutonicorum salutem et apostolicam benedictionem. Ex parte vestra fuit propositum coram

nobis, quod nonnulli ex fratribus ordinis vestri, dum adhuc manerent in seculo,

multis modis, sed precipue per incendia, rapinas et usuras personis quam pluribus dampna gravia intulerunt; propter quod humiliter petivistis, ut super hoc providere salubriter curaremus. Nos itaque devocionis vestre precibus annuentes presencium vobis auctoritate concedimus, ut satisfaccionem pro huiusmodi dampnis et usuris debitam illis dumtaxat personis, que omnino sciri et inveniri non possunt, in subsidium terre sancte ac eciam Lyvonice et Pruscie, ubi fidei negocium per-vos ad dei gloriam magnanimiter et potenter agitur, prout melius expedire videritis, convertatis. Datum Viterbii xv kalendas iunii pontificatus nostri anno quarto.

Sinc dato: A. 20 n. 108 Latine et Germanice. — Cum dato: Viterbii 15 kal. iunii a. 4 jjColonie" A. 16 p. 73. In volumine archivi Regimontani fo1 . A. 186. Ex originali quondam Con- fluentino, nunc Vindobonensi, cui appendet in funiculo cannabino bulla, edidit Hennes 1,162 n. 178. — Cum dato: Anagnie 8 ka1 . maii p. n. a. 5 „Baruli". A. 16 p.43. Transsumtum Conradi Colo- niensis archiepiscopi cum sigillo duplice d. d. 1258 dec. Colonie in archivo ordinis Theutonici Vindobonensi. 1. deest A. 16.