Die vicesimo quarto mensis ianuarii duodecime indictionis nos Riccardus Filangerius, imperialis marescalcus sacri imperii legatus in partibus cismarinis et regni Ierusalem baiulus, notum facimus presentibus et futuris, quod venientes ante presenciam nostram Sitalmelech, filia quondam Abdelmesie Suriani, et filii eius Munsur et Siliman in presencia nostra et hominum ligiorum subscri- ptorum, scilicet domini Philippi de Malgastel, domini Guarnerii1 Theutonici, vendiderunt domui hospitalis sancte Marie Theutonicorum quartam partem ca- salis eorum, quod dicitur Cabesie, pro bisanciis sarracenatis ducentis et sex.

Et destituerunt se de quarta parte predicti casalis et dederunt sasinam ipsius quarte partis fratri Deustisalvi de ipsa domo pro eadem domo. A quo fratre et1 predicta domo precium prefate vendicionis receperunt et tam predicta Si- talmelech, quam et filii eius predicti debent et tenentur defendere dictam ven- ditionem hinc ad annum et diem ab omnibus personis volentibus prefatam vendicionem molestare vel calumpniare secundum usum et consuetudinem regni Ierusalem. Unde ad futuram memoriam huius rei et prefate domus securitatem presens scriptum inde fieri fecimus nostra bulla cerea pendente munitum. Actum Tyri anno ab incarnatione domini m° cc° xxx° ix° die et mense inde pretitulatis.

I, 28 n. 60. I. Gitarn'is B. 2. supplevi.