— 57 —

in dem nit allein als ein Vetter vnd freundt, Sonder als ein Vatter treulich erczeigt hatt, vnnd nun zum lecztenn sich off vnser freuntlich Bitt vnd anrueffen dahin hat bewegen lassen« vnnd vns bewilliget, das S. L. mit Hilff des Almechtigen vnd einem gewaltigen Hoer zu Roß vnd zu fues vnnd Zugehörigen geschucz vnd munition sich neben vns zu erheben vnd also wie gemelt durch Gotlich Hilff vnd gnade vns zu vnserm verlog nem Furstenthumb Wirttemberg vnd seinen Landen vnd Leu- then darzu gehörig so uil von Gott verlihen zuhelffen vnd ein zubringen willens ist/ vnnd sich neben vns in solche wagnus vnd geferlicheit zu begeben« vonn wilchem allem wir S. L. als vnserm freuntllchen Lieben Vettern höchsten« danck sagen« vor vns vnsern Son vnd Bruder vnd alle die Ihenen die vmb vnsern willen zu thun vnd zu lassen« schuldig vnd willig sein wann wir on sein liebde Kein trost vff erden gewist haben Nachdem dan S. L. zu sollichem Zuge vff Reutter Knechte Geschütz vnd Anders, ein merckliche grosse Summa Gelts vnnd Guts wenden muß, die wir Zu dieser Zeit nit vollkomenlich darzulegen oder zu beczalen haben, So verheißen vnnd gelo- bcnn wir in vnd mit Crafft dieses briefes das wir S. L. alles das Ihenige was also sein lieb zu sollichem Zuge vff Reutter, Knecht, vnnd geschutz, fhure Botschafft, Profiandt vnd alle andere fach. An Gelt vnd Gudt gewendet hat vnd wenden wurdet, das wir vnd vnser Erben Seiner Lieb vnd Iren er ben sollichs alles vnd Ides gutlichen widderumb wie nachfolgt beczalen sollen vnd wollen Als das pillich geschicht, vßgesckeiden Sechshundert geruster Pferde, die vns S. L. vff Iren Costen drey Monat zu freuntschafft vnd gefallen darthun vnd verlegen will, vnnd etliche wagen« vsser S. L. Gerichten nach S. L. wlllenn vnd gefallen«, Bis so lang man Ins Landt Kompt, So soll man die wagen Im Lande nemen, darmit S. L. ar men Leuthe widder heim Kommen mögen, darfur wir nichts geben sollen, das ander alles was S. L. zu sollichem merck- lichem Zuge brauchen wirdet. Es sey Besoldung der Kriegs Leuthe zu Roß vnd zu fues, Besoldung der füre zum geschucz mit seiner Munition vnd Zugehorung desgleichen vor Puluer, Kugeln vnd dergleichen« Vor Kuntschafft, Bottschafft Prouiandt, so S. L. vff Reuther vnd Knecht noch unbeczalt vßstunde vnd alles was daruff gangen ist, vnd noch gehet vnd darczu geho. ret, vnd daruff geen vnd gehören wirdet, das sollen vnd wol len wir vnd vnnser Erben S. L. vnd Iren erben tut der oder denn Rechnungen die S. L. Cammermeifter Cammerschreiber

— 09 —

vnd andere S.^L. biener vnd beuelhaber vffrecht vnd Redlich darüber thun werden, gutlich widerumb nach gemelter gestalt vergnügen vnd beczalen, wir moegen auch einen diener der sol. lichs vßgebens mit Acht nympt vnd von vnsern wegen« gegen Rechnung heldet, ob wir wollen, darczu verordnen. Ob wir aber sollichs nit thun wurden oder villelcht große vnd manigfal- tigteit dieser Handlung sollichs nit lyden wurde, das doch zu vnserm willen vnd gefallen steen soll, So sollen nichts desta- weniger wir vnd vnsere erben sollichs alles Luth der Rechnun» gen S. L. diener vnnd Irer selbs wie sie das mit quittanczen vnd Registern souil Immer möglich ist, oder wo Kein quittanc zen vnd Register weren, bey trawen vnd Glauben an Eydes stadt gnuqsamblich darthun werden», beczalenn, vnnd sollen« sollichs also beczalenn Nemblich das halbtheill sollichs CostenS als baldt nach eroberung rnsers Furstenthumbs over des merern teils So sich villeicht begebe das noch etliche heußer ein Zeit lang vns vorenthalten wurden, Oder so baldt ein Vertrag mit vnserm guthen willen gemacht wirbt vnd Ehe sich S. L. vß dem Furstenthumb wirttemberg thutt, vnnd sollen also mitler Zeit mit allem Vleis nach sollicher Veczalung trachten damit S. L. in dem vnuffgehalten vnd vngesaumpt mochte sein, vnnd da's Ander halbe theill sollichs vncostens S. L. vnd Iren erben, vff gemeiner vnser Landtsckafft des furstenthumbs oder etlichen Schlössen« Stellen vnd Landschafften desselben mit Ierlichen Pension zu «erhalten, notturfftigclich versichern vnnd die vberige Hauptsumma in zweien Iarenn auch bezalenn, an alle geuer- de, Vnd nach dem wir auch zu notturfft dieser fachen nach etlichem Gelbe getrachtet vnd deshalb alle vnsere Herschafften vnd was wir gehapt dieser sachen zu gudt dem Kunnig zu Franckreich verseczen müßels, So sollen wir S. L. zu solchem Iczundt Anrucks die funffczigthausent Cronen so vns der Ku- nig geben wurdet, behendigenn vnd was desselben ist, das soll vns an der Veczalung des, so wir S. L. für den erlittenen Costenn wie obgemelt Zethundt wurden, abgeen vnd abgerech net werden, die vberemczig Summa so vns von solcher Ver- saczung gereicht wurdet Auch was wir sunst von Geld« oder gudt vfpringen werden», sollen wir alles so lang vnd viel das weret auch zu solchem KriegsCosten vnd der notturfft verwen den. Also das die zwen so S. L. vnd wir wie obengemelt darczu verordnen werden» daßelbig vfigeben vnd darumb Rech nung vnnd gegen rechnung erbarlich thun sollen», So soll , vnd will vns S. L. auch nit zu Rechnen, also das wir S. L.

— oo —

nichczit geben sollen vor das, das der Kunig zu Frangtreich S. L. vnd vns thutt Item was S. L. der Bischoff von Munster thut, Item was S. L. der Herczog von Holstein thut, Item was S. L. Herczog Heinrich von Brunschwig thut Item was S. L. der Herczog von Luneburgk thut Item was S. L. die Stett vnnd andere thun. Ob sich dan Zu trüge, williches der Almechtig Gott gne» digclichen verhueten wolle, das in solchem Zuge wir geschlagen« vnd etlich gefangen wurden» Soll sollichs der gefangen losung vnd schadloßhaltung vff vnsern schaden vnd Widderlosung be- scheen, vnd wir schuldig vnd pfiichtig sein denselben schaden S. L. so uil sie des dargeben wirt zu gelten« vnd zu beczalenn, Sobaldt wir ader vnsere erben aber Erbens erben vber Kurtz «der langt durch guethe aber mit gewalt widder zu vnserm Lande kommen ader sust so habhaftig wurden, das wir sollichs bezalenn kondtenn. Were es dan das Gott gnedigclichen wolle verhueten das durch diesen vorhabenden Zugk nichts vßgericht als das das Landt nit wie gemelt reeuperirt vnd gewonnen wurde, vnd der Almechtig verlihe das hirnechst vber Kurcz oder lang wir ader vnser erben oder Erbens Erbenn widder zu demselben vnserm Lande gelassen« wurden oder keinen, durch was weise weege vn!» mittel!, mit Recht Huete oder gewalt das Immer gescheen mochte, So sollen vnd wollen» wir vnser erben vnd erbens erben doch sollichen Costen vnd Schaden wie gemelt S. L. Iren erben vnd Erbnemen, gutlich beczalen ent richten« vnd vergnügen an alle vßflucht, Vnnd so S. L. in disem Zug oder sunst abgienge das Gott der Varmherczig Vat- ter guttigclich verhueten wolle. Ehe dan dise schulden alle be« zalt wurden, vnd villeicht S. L. Sone das Gott auch gne» digclich abwenden wolle, auch abgienge das sein lieb oder S. L. Son kein Manliche Leibs !Erbenn nach Inen verließen. So sollen vnd wollen wir vnser Erben vnd Erbens Erben alle sol» liche Schulden vnd schade« wie vorgemelt ftmpt vnd sondern nichts abgeczogenn S. L. dochtern, ob S. L. dochtern lassen wurde vnd derselben Erben beczalen vnd entrichten, was dann auch so S. L. vnd wir Ins Landt kommen vnd Brand schatzung dingk teilen vnd schatzungen durch vns beide erlangt vnd gefallen wurdet das alles soll durch die so S. L. vnd wir darczu ordnen werden vfgenommen vnd S. L. vnd vns vber« reicht werden, das soll S. L. vnd wir further zu dem Kriegs kosten vnd der notturfft gebrauche»/ Alßo das dasselbig durch

— 60 —

dieZwen verordneten samentlich vßgegeben werde Vnd soll vns dasselbig an dem vncosten der ganzen Summa so uill deren noch vnbeczalt were zu Guthe konien vnd abgeczogenn wer den, vnd was an solchem vberigs blybe, das daßelb vns vber- liefert vnd zu vnsern Händen geantwurt werde Vnnd ob sich zutrüge das wir beide weither ziehen vnd vsserhalb des Für- stenthuttlbs zu wirttemberg vnd dero gutter daruon wir ver trieben sein, etliche mehr Schloße, Stette Landschafften oder gutter gewonnen, die sollen» vns beiden vnd vnsern Erben zu gleichen rechten zusteen, doch also das wir auch alsdann vnd zu solcher Behueff den Costen des Kriegs zu gleichem tragen« wie wir vns dan zu der Zeit deßhalb eigentlicher vergleichen sollen vnd wollen, ene geuerde, Vnnd wiewoll wir dise wohl- that so vns vnnser Vetter obgemelt, erzeigt. Auch die wagnus vnnd fahr, darein sein Lieb sich vnser halben vnd vmb vnser vnd vnsers Stambs willen begibt, nit beczalen oder vergleichen mögen ; So wollen vnd sollen wir doch S. L. vnd Iren Stambs Erbenn ewigclichen dangkbar sein, vnd wir vnd vnnser Erben vns von S. L. vnd Irem Mannlichenn Sramb zu keinen no» then, sie seien groß oder Klein nymmer mehr setczen, Son dern vns allweg'en nach vnsern hoechsten Crefften vnd Vermö gen bey S. L. vnnd seinem Mannlichen Stamb trewlich hat. tenn vnd erzeigen, vnnd ob es Inen noth thete oder sie das begeren wurden, So sollen wir Inen mit vnsern Landen vnd Leuthen, vnnd allen« vnserm Vermögen nit weniger noch mit minderm ernste vnd getreuen Vleis dan S. L. vns Iczt thut, helfen, widderumb einen Zugk vnd Angriff thun widder aller- mennigclich nymandt vßgescheiden vff drcy Monath lang, vnd auch in solchem Zugk so lange verharren vnd nicht ablassen noch vfhoren. Als lang sein lieb bey vns verharren wirt, doch dergestalt das wir vff vnsern vnd der vnsern Costenn vnd S. L. dienen gleich wie vns S. L. vff Iren Kosten« dienen wur det, vnd S. L. in gleichem wie S. L. vns Iczo vffbringt vff S. L. Besoldung Knecht »springen, darczu auch Nachdem in vnsern Landen vnd darumb hero kein Reuther seindt vnd vns S. L. so ein merckliche Anczalh Reuther vfbringt, So wollen» wir dargegen seiner Lieb so uill Knecht vfpringen Als das nach gewonlichen Rechnungen ertregt vnd vns darüber also bey S. L. widderumb als der freundt erczeigen, Inmaßen sich S. L. bey vns ««zeigt vnd gehalten hat, Vnnd ob sich begebe das vnser Vetter obgemelt mit Todt abgeen wurde, so sollen« und wollen wir S. L. Kinder Sone vnd Dochtern in trewem vnd

- Hl -

freuntlichem Beuelch haben, wir sollen» vnd wollen« auch nach

vnserm höchsten vermögen daran sein, wo sein lieb vor vns ab^ geen wurde das S. L. Testament ob sie das gemacht hette vn- nerbrochen gehalten werden möge one geuerde, Es sollen auch wir vnd vnsere Stambs Erben widder S. L. vnd Ire Stambs Erben nymmermehr vnns bewegen lassen mit der thaU zu thun, Es sey durch was Sachen das wolle. Sonder mit denen Inn ewiger freuntschafft vleibenn, Herwidderumb, soll sich vnser Vet» ter vnd seine Stambserbenn gleicher weiß gegen vns vnd vnsern Stambs Erbenn wie dann S. L. sich des gegen vns auch ver schreiben wurdet, nit bewegen« lassen« one geuerde, Vnnd ob sich zutrüge das wir ader vnser Son o.ne Mans Erben wurden abczugeen vermuthen, vnnd da« vnser Bruder Graue George auch one leibs Erben verscheiden« were, Dieweil da« Landt,- graff Philips vns diese freuntschafft erzeigt hat. So sollen wir In vnserm Testament Inen zu bedencken schuldig sein vnd Inen zu Erben, so uill vnns pflichten vnd Ehren halb möglich vnd von Gott verluhenn were, vnsers Furstenthumbs zu machen vndersteen, on alle geuerde, diese obgemeltenn puncten vnd Art- tickell geloben vnd schweren wie Herczog Vlrich obgemelt sampt« lich vnd sonderlich so uill vns die beruren stedt Vest vnd vn- ueHbrochenlich zu halten, zu uolncziehen vnd zu uolnstrecken vnnb^darwiddei nymmermehr zu thunde on alle geuerde, des zu vrlundt vnd sicherheit haben wir vnnser Secret Insigell of- fentlich an diesen brieff gehangen, den auch mit vnnser eigen handt vnderschrieben, Gebenn zu Cassell vff Montag nach dem Sonntag Letare halb Vastenn Als man von Christi vnsers lie ben Herren gepurt zalt Tausennt fü'nffhundert Dreißig! vnnd Vier Iare. Vlrich Herczog zu Wirttembergk.