Universis, ad quos presens scriptum pervenerit, nos Gerardus dei gratia decanus, Henricus camerarius totumque capitulum ecclesie sanctorum apostolorum in Colonia cognoscere veritatem. Noveritis, quod constitutus in nostra presentiia Conradus carnifex dictus de Diize supraportavit nobis unam domum cum area, ante et retro, sub tus et supra, sitam in novo foro Colonie contiguam caminate adiacenti domui, que ad aquilam vocatur, versus sanctam Ceciliam, que etiam domus quondam Witrammi vocabatur et vocatur, quam a nobis et ab ecclesia nostra pro censu hereditario decem solidorum singulis

15*

228

1285 annis persolvendorum tenebat, et resignavit dictns Conradus pro se et suis heredibus omni iuri suo, quod habebat vel habere poterat seu preparabat habere in domo et area predictis, ad manus nostras, petens, ut eandem domum cum area, prout iacent, eodem iure, quo ipsc a nobis tenebat, Joanni dicto de Aldercruch et uxori sue Eliza- beth concederemus. Nos vero petitioni dicti Conradi annuentes dictam domum cum arca, prout iacent, dicto Joanni de Aldercruch et Elizabet uxori sue ac suis heredibus cum omni iure, quo dictus Conradus a nobis et ab ecclesia nostra tenebat, concessimus et concedimns per presentes, ita quod predicti coniuges Joannes et Elizabet coniunc tim seu alter ex eis superstes, quicunque hoc fuerit, camerario, qui pro tempore fuerit in ecclesia nostra, singulis annis decem solidos Coloniensium denariorum bonorum et legalium de dicta domo persolvant seu persolvat, exceptione seu defensione iuris vel facti qualibet non obstante, terminis infrascriptis, videlicet in festo nativitatis domini quinque solidos, item in festo nativitatis beati Johannis baptiste quinque solidos, quatuor septimanis post quemlibet predictorum ter- minorum currentibus sine captione, ita ut quicumque terminorum pre- dictorum cum suis quatuor septimanis, que sine captione current, lapsus fuerit et portio predictum terminum contingentem in parte vel in toto soluta non fuerit, ex tunc dicti coniuges vel alter, qui superstes fuerit, cadet vel cadent ab omni iure, quod in dicta domo habebant seu habere poterant quoquomodo, et nos de sepedicta domo et area intromittere poterimus, sicuti de re nostra aliqua, dictorum coniugum contradictione non obstante. In cuius rei testimonium si- gilla nostra et sigillum ecclesie nostre ad causas presentibus litteris duximus apponenda. Et nos Joannes et Elizabet coniuges predicti confitemur omnia et singula premissa esse vera et sigillum officiali- tatis curie Coloniensis ad preces nostras fore appositum presentibus litteris in testimonium premissorum.

Datum anno domini millesimo ducentesimo octuagesimo quinto, in assumptione beate Marie virginis.

Aus dem liber rubeus des Apostelstiftes im Stadt-Archiv f. 30.