1278, 9. August.

Universis presentes litteras inspecturis Vogelo et Elizabet soror eius, liberi heredes quondam Constantini et Margarete uxoris eius civinm Coloniensium, Johannes et Richmodis soror eius, liberi pre- dicte Elizabet, Constantinns et Gerardus frater eius liberi Gerardi etGertrudis, nepotes, heredes predictorum Constantini et Margarete, cives Colonienses, ad perpetuam rei memoriam cognoscere veritatem. Ne gesta in tempore elabantur cum tempore, solet ea propter hoc vivax scripturarum memoria perennare. Noverint igitur tam presentes quam posteri, quod predicti Constantinus et Margareta le- gitima uxor eius in remedium animarum suarum legaverunt domui sancti Spiritus in Colonia, dederunt, tradiderunt et dotaverunt in ele- mosinam eidem domui ad usus pauperum donatione perfecta in vita eornm communi manu et inter vivos medietatem domus eorum, que Vospelz vulgariter appellatur, site in parrochia sancti Albani Colo- niensis, et proprietatem medietatis eiusdem domus transtulerunt in pre- dictam domum sancti Spiritus Colonie in perpetuam pleno iure, ita tamen quod de ipsa medietate dicta domus sancti Spiritus seu pro- visores et magistri eiusdem, qui sunt et qui pro tempore fuerint, solvant annuatim Margarete moniali apud sanctum Mauritium ordinis sancli Benedicti in Colonia et Gertrudi moniali monasterii in Hove Cisterciensis ordinis filiabus predictorum Constantini et Margarete sex solidos in festo purificationis beate Marie virginis, item sex sol. in festo assumptionis beate Marie virginis postea immediate subsequente, quoad vixerit, ita quod si una sororum monialium de predictis decesse- rit, dicta domus sancti Spiritus seu provisores et magistri eiusdem solvent superstiti moniali quamdiu vixerit unam marcam et ea mortua dicta marca redibit ad ipsam domum sancti Spiritus in perpetuum pleno iure, et a solutione ipsius marce dicta domus erit exempta penilus et absoluta. Insuper eadem domus sancti Spiritus solvet sin-

142

1278 gulis annis iurc hereditarioin perpetuum plebano sancti Laurentii inCo lonia, qui est et qui pro tempore fuerit, duodecim denarios Coloniensium den.1), cum quibus anniversarius predictorum Constantini et Margarete in perpetuum peragetur, unde nos prenominati heredes premissa vera esse confitentes predictam legationem, donationem, traditionem medietatis dicte domus de Vospelz a predictis Constantino et Margareta factam in omni forma, ut est dictum, ratam et gratam habentes et eam te- nore presentium innovantes renunciamus et eflfestucamus pro nobis et nostris heredibus in perpetuum predicte medietati domus de Vospelz, que supra nos et heredes nostros posset cadere iu posterum et suc- cessione hereditaria vel quovis alio iure et omni iure, quod nobis et cuilibet nostrum in eadem medietate competebat vel aliquatenns con- petere videbatur vel quod nostris heredibus quocumque modo posset competere in futurum, et omni actioni et querele et omnibus defen- sionibus et iuribus canonicis et civilibus, que nobis possent vel de- berent in contrarium quomodolibet suffragari, nec contra premissa veniemus per nos vel per alios aut heredes nostri venire poterunt aliquo ingenio sive causa. Huius rei testes sunt qui interfuerunt: Henricus sancti Laurentii et Godescalcus sanctorum apostolorum ec- clesiarum Coloniensium plebani, Theodericus dictus Razo et Johannes filius quondam Hermanni comitis, scabini Colonienses, Ludewicus dic- tus de Salice officiatus de rikerzeggeit in Colonia, Peregrinus dictus Niger, Gerardus dictus Cranz et Gobelinus dictus Romanus, fratres scabinorum Coloniensium, magister Fredericus de Binzvelt dictus de sanctis apostolis advocatus curie Coloniensis et quam plures alii fide- digni. In cuius rei testimonium et perpetuam firmitatem presentes litteras sigillis venerabilis viri officialis domini nostri archiepiscopi Coloniensis et prenominatorum testium rogavimus communiri. Et nos magister Wilhelmus scolasticus ecclesie sancti Andree officialis curie Coloniensis et testes prenominati confitemur sigilla nostra in testi- monium premissorum ad petitionem predictorum heredum presentibus litteris appendisse.

Actum anno domini mcclxx octavo, in vigilii beati Laurentii.

Nach dem Original im Stadt-Archiv. Von den Siegeln ist nnr das des Ffarrers von St. Lorenz und das des Fr. von Binsfeld ziemlich erhalten.

') denariorum fehlt in der Handschrift.

143