1277 Universis presentes litteras inspecturis Hermannus dictus de Lobio et eius uxor, cives Colonienses, cognoscere veritatem. Noveritis, quod nos vendidimus decano et capitulo ecclesie sancti Severini Colonien- sis pro certa summa pecunie nobis ab eisdem numerata, tradita et assignata quatuor iurnales terre iacentes inter vineam dictorum de- cani et capituli et vineam Th. dicti Razen1) civis Coloniensis sol- ventes singulis annis in festo beati Martini hyemalis decano et capi- tulo ecclesie sanctorum apostolorum Coloniensis tria maldra siliginis, decem et septem denarios Colonienses et quadrantem iure hereditario, que et quos predicti decanus et capitulum sancti Severini solvent ecclesie sanctorum apostolorum iure predicto. Et renunciavimus nos et omnes nostri proximiores, qui nobis succedere poterant in predictis iurnalibus, omni iuri, quod habuimus et ipsi proximiores, quod babere poterant in eisdem, ad manus dictorum decani et capituli ecclesie sancti Severini tam coram decano et capitulo sanctorum apostolorum predictis quam coram scabinis parrochie sancti Severini. In cuius rei testimonium sigillum ecclesie sanctorum apostolorum predicte ad pe- titionem nostram presentibus litteris est appensum.

Actum et datum in vigilia beati Georgii anno domini mcclxxvii. Aus dem Cartular von St. Severin, f. 187, im Provincial-Archiv zu Dusseldorf.