iudices, scabini, consilium et cives universi Colonienses, 1270 universis presentes litteras inspecturis et audituris; notum facimus, quod nos cum Johanne dicto Cranz opidano Susatiensi fratre Gerardi dicti Cranz nostri concivis pure ct simpliciter reconciliati sumus super omni discordia, controversia seu guerra, que inter nos ex una parte et ipsum Jo. ex altera vertebantur occasione debitorum, que idem Jo. a nobis requirebat et super quibus litteras patentes habe- bat et pro quibus etiam pignora nostrorum concivium capiebat, remittentes eidem Jo. et suis coadiutoribus in hac parte omnem in- dignationem, odia, iras et offensas, quas contra dictum Johannem et suos coadiutores occasione predicta habuimus et habere videbamur usque ad tempus huiusmodi nostre reconciliationis cum eodem. In cuius rei testimonium et firmitatem sigillum commune civitatis nostre presentibus duximus apponendum.

Actum et datum anno domini MCC sexagesimo nono, in festo beati Mathie Apostoli.

Nach dem Original im Stadt-Archiv. Das Siegel sehr verletzt. Es ist diese die alteste uns erhaltene TJrkunde, bei welcher das neue, jetzt noch im Archiv auf- bewahrte Stadt-Siegel znr Anwendung kam.