Conradus dei gratia sancte Coloniensis Ecclesie Archiepiscopus sacri Imperii per ytaliam archicancellarius. Vniuersis christi fidelibus imperpetuum. Quoniam, ut ait apostolus, omnes stabimus ante tri- bunal christi recepturi, prout in corpore gessimus, siue bonum fuerit siue malum, oportet nos diem messionis extreme misericordie operi- bus preuenire ac eternorum intuitu seminare in terris, quod reddente domino cum multiplicato fructu recolligere debeamus in celis, firmam spem fiduciamque tenentes, quoniam qui parce seminat parce et me- tet et qui seminat in benedictionibus, de benedictionibus et metet vitam eternam. Cum igitur ad imitationem domini nostri iesu christi, qui in domo symonis leprosi primam penitentem Mariam Magdale- nam recepit, in domo pauperum iesu christi leprosorum iuxta Colo- niam commorantium Anno domini mcCxl quinto Mense Junio Tercia feria post Pentecosten Ecclesiam et altare ad honorem sancte et in- diuidue trinitatis et intemerate virginis Marie nec non et gloriosi mar- tyris beati Dyonisii dedicauerimus, nos de omnipotentis dei misericordia et beati Petri patroni nostri apostolorum principis ac ea, quam nobis indulsit, auctoritate confisi, in augmentum salutis omnium christi fidelium statuimus imperpetuum, vt quicumque dictum locum in sin- gulis sollempnitatibus beatissime dei genitricis Marie et gloriosi mar- tyris beati Dyonisii et in anniuersario dedicationis eiusdem ecclesie, videlicet in festo pentecostes et octo diebus post singulis annis de- uotionis causa visitauerint et dictis pauperibus manum porrexerint

Source Regest: Quellen zur Geschichte der Stadt Köln Band II, Nr. 241. , S. 254