Vniuersis christi fidelibus presentem paginam inspecturis. Conra- dus dei gratia sancte Coloniensis Ecclesie minister, Italie archican- cellarius, salutem in domino. Sicut ex iniuncto nobis officio tenemur honori dei et sacrosancte matris Ecclesie et saluti animarum nec non et paci totius patrie intendentes sollicite prouidere, scire uolumus uniuersos et presentis scripti testimonio protestamur, quod cum -propter tumultuationes multiplices deuotio tepuerit et religionis sit minoratus affectus in Tuiciensi cenobio, pro eo quod ibidem frequens fuerit inhabitantium laicorum concursus, nos priuilegiis eiusdem cenobii inspectis et saluti monachorum ac paci degentium ibidem paterna sollicitudine cupientes pronidere, de uostra bona et spontanea uolun- tate et consensu domini Henrici, Illustris Ducis de Lemburg, Comitis de monte, Irmingardis uxoris sue, Adolfi primogeniti eorundem et aliorum fidelium nostrorum consilio muros et turres circa claustrum Tuiciense prefatum funditus destrui fecimus et mandauimus et turrim monasterii usque ad inferiorem testudinem humiliari, ita quod dein- ceps turris eadem per abbatem ipsius Ecclesie siue per quemcumque alium non debeat eleuari et emunitas ipsius Ecclesie absque muro- rum ambitu sepibus aut asseribus tantummodo muniatur. vt autem ibidem domino famulantes uiri religiosi absqne impedimenti scrupulo iuxta sui ordinis obseruantiam libere ualeant domino famulari, pro- misimus data fide et promittimus, quod nullas de cetero munitiones uel firmitates nec in territorio nec in iurisdictione nec in uilla uel in claustro aut monasterio Tuiciensi faciemus nec ab aliquo fieri per- mittemus. Et ut hec tam a nobis quam a successoribus nostris rata seruentur et firma, presentem paginam conscribi et sigilli nostri ap- pensione fecimus roborari.

Source Regest: Quellen zur Geschichte der Stadt Köln Band II, Nr. 228. , S. 243