C(onradus) dei gratia sancte Coloniensis Ecclesie minister, Italie archicancellarius. vniuersis presens scriptum inspecturis salutem iu domino. Filialis et singularis deuolio, quam iudices, scabini et com- mune Ciuitatis Coloniensis ad ccclesiam Coloniensem habucrunt ab

204

1240 antiquo et adhuc habere dinoscuntur ad nos ipsos, nos ammonet propensius et inducit, ut in his, que ad ipsorum faciunt honorem et incrementum, fauorem nostrum ipsis debeamus impertiri, quia nobis et Ecclesie coloniensi reputamus accrescere, quod eorum utilitatibus impertimur. Ne igitur improborum perfidia aliquam discordie scin- tillulam inter nos et Ciues nostros memoratos ualeat suscitare et ipsi contra detrahentium obiectiones tuti et premuniti existant, eorum fauorem, quem circa nos habuerunt ab antiquo, cum essemus in mi- nori dignitate constituti, et diligentiam, quam adhibuerunt tempore electionis nostre in archiepiscopum coloniensem, fidelitatem et fideli- tatis constantiam, quam nobis in guerra nostra exhibuerunt, plurimum commendantes, litteris presentibus profitemur, quod nobis a die illo, quo guerra inter nos et Duces Brabantie et de Lemburg et eorum fautores incepit, usque in diem beati Jacobi apostoli proximo preteritum in eadem guerra fideliter et constanter et ad beneplacitum nostrum consilio et auxilio astiterunt nec ipsos in promissione denariorum, qui uocantur winpenninge, nec in aliquo alio arguimus nec arguemus, immo quicquid nobis auxilii impenderunt, pro pleno bono reputamus, ita quod deo cooperante et nos et Ecclesia coloniensis apud singulos et uniuersos in perpetuum studebimus promereri.

Datum Colonie anno domini mccxl in yigilia Pantaleonis martyris.

Nach dem Original im Stadt-Archiv. Das Siegel im Ganzen wohl erhalten.