Conradus dei gratia maior prepositus et archidiaconus totumque capitulum maioris ecclesie in Colonia vniuersis Christi fidelibus in perpetuum. veritate testante didicimus, quod beati pacifici quoniam filii dei uocabuntur, unde quautum in nobis est cum omnibus pacem habere uolentes, notum facimus vniuersis tam presentibus quam futu- ris presentem paginam inspecturis, quod cum inter ecclesiam nostram et ecclesiam s. Seuerini diutina habita fuisset controuersia super ec- clesia in Menede, quam maior prepositus in primo introitu suo sole- bat uisitare et sinodum in ea celebrarc, per quod ecclesia s. Seuerini asserebat sc grauari indebite, e contrario maior prepositus grauamen et dampnum intolerabile a preposito et ecclesia s. Seuerini sibi dice- bat irrogari in eo, quod prepositus s. Seuerini decimam vinearum in Erpele, que Manewerg et Juche dicuntur, Roricho militi de Nvirburg, qui walpode cognominatur, in feudo concesserar, predicta discordia sopita est et sepulta sub hac forma: maior prepositus in ecclesia Menede sinodum non celebrabit in perpetuum, Prepositus s. Seuerini renuntiauit de consensu capituli sui omni juri, quod habere uidebatur in predicta decima in Erpele. Ut autem hec ordinatio perpetuo rata permaneat, presentem paginam conscribi et sigillo prepositi e ecclesia nostre fecimus roborari.

Source Regest: Quellen zur Geschichte der Stadt Köln Band II, Nr. 74. , S. 101