Nos Theodericus comes Cliuensis preseuti scripto protestamur,
quod cum honestis viris iudicibus, scabinis et uniuersis ciuibus Colo- niensibus in
amicitia speciali conuenimus in hunc modum, quod ipsi per districtum et dominium
nostrum, siue in terra siue in aquis fue- rint, cum personis et rebus suis eundo,
redeundo et morando exnunc inantea in nostro erunt conductu et protectione speciali,
donec ipsis, quod fieri non optamus, per quadraginta dies duxerimus antea con-
tradicendum. Si uero ciues predicti in terra nostra iudicialiter con- uenti fuerint,
nos eis expeditam et fauorabilem fieri iustitiam facie- mus. Si autem inter nos et
homines nostros ex paite una et dictos ciues ex altera aliqua discordia, quod absit,
emerserit, Godefridus et Hermannus fratres de Hukelhouen et Rutgerus de Bale, milites,
fide- les nostri, uel duo ex eis, si tertius non affuerit, una cum tribus ex parte
predictorum ciuium constitutis, scilicet Gerardo dicto Sceruekin, milite, Godefrido
dicto Cleinegedank et Johanne de Curia abbatis, ucl duobus eorum eandem discordiam
terminabunt per iusticiam uel amorem. Cum etiam aliquis istorum cesserit uel
decesserit, alius ei a parte sua infra quadraginta dies substituetur. Hec omnia bona
fide nos promisimus seruaturos, saluo nobis iure nostro et domino nostro Coloniensi
electo uel archiepiscopo qui pro tempore fuerit, et Coloniensi ecclesie iure suo.
Graf Theoderich von Cleve verpflichtet sich den kdlnischen Biirgern gegenuber
zu Schutz und Geleit und zu einer raschen Justizpflege. 1262, 29. December.
Source Regest: Quellen zur Geschichte der Stadt Köln Band II, Nr. 439. , S. 471