Honorius episcopus servus servorum dei dilecto filio abbati s. Genovefe Parisiensis salutem et apostolicam benedictionem. Cum in- ter dilectos filios Petrum Sarracenum, Petrum de Paulo, Johannem Pantaleonis et Angelum Petri de Paulo cives romanos ex parte una et G. prepositum s. Marie ad Gradus in Colonia et magistrum Jo- hannem scolasticum Carpensem nuncios et procuratores venerabilis fratris nostri Coloniensis archiepiscopi ex altera super debito octin- gentarum et quinquaginta marcarum sterlingorum, neenon dampnis, penis, sumptibus et expensis, que iidem Romani a predictis procura- toribus nomine ipsius archiepiscopi exigebant coram dilectis filiis nostris G. tit. s. Anastasie presb. et G. s. Theodori dyac. cardinalibus, quos utrique parti concessimus auditores, questio verteretur, tandem mediantibus predicto G. tit. s. Anastasie ac dilecto filio nostro Leone tit. s. crucis iu Jberusalem presb. cardinalibus, in quos extitit ab utraque parte legitime compromissum, amicabilis inter eos composicio intervenit, quam ab utraque parte sponte receptam, adiecta pena mille marcarum, et juramentis hinc inde corporaliter prestitis robora- tam, sicut in eorundem cardinalium litteris plenius continetur, duxi- mus confirmandam, tenorem litterarum dictorum cardinalium de verbo ad verbum litteris confirmacionis uostre inseri facientes. Volentes igi- tur composicionem tam sollempniter celebratam intemeratam a parti- bus observari, ne quod absit exinde incurrerent deirimentum, discretioni tue per apostolica scripta in virtute obediencie districte precipiendo mandamus, quatinus composicionem predictam, sicut est auctoritate apostolica confirmata, facias, sublato cujuslibet contradictionis et ap- pellationis obstaculo, inyiolabiliter observari, contradictores per cen- suram ecclesiasticam compescendo, uullis litteris obstantibus harum tenore tacito a sede apostolica impetratis seu eciam impetrandis, nec obstante constitucione de duabus dictis in geuerali concilio pro- mulgata.

Datum Rome apud sanctum Petrum xv. kal. Junii, pontificatus nostri anno secundo.

Aus Ficker's Engelbert der Heilige, Beil. S. 324 (aus Acta palatina, vI. 318).