Wir Karl von Gots Gnaden Römischer König zu allen Zeiten Merer des Reychs vnd Kunig zu Beheym ■ enbieten allen Fürsten geistlichen vnd werntlichen Grauen Fry en Herren Lantfoyden, Voyden, Troissessen Rychtern Scholt- heiszen Scbeffenen, Burgemeistern, Rüden, vnd Burgern gemeynliche von allen Steden, Vesten vnd Gemeynden in Dutzschen vnd Welschen Landen vnsern vnd des heiligen Romischen Rychs G etruw en vnd Undertanen, vnsre kunig« liehe Hulde vnd alles Gut. Wan vir durch sunderliche Zuversicht, Truwe, Wysheid vnd befundene Wirdicheid des erwirdigeu Baldewins Ertzebischofs zu Triere vnsers lieben Fürsten vnd Vettern, demselben Ertzbischoue von vnser vnd des heiligen Rychs -wegen vor etzelichen langen Zeiten wissentlich mit Rate vnd woilbedachter» Mute ent- pholen, verbrieuet, verbantfestiget, vnd erleubet haben nuwe Muntzen usz Golde vnd Sylber wo er wil zu seyme Willen, tun zu stachen vnd machen, vnd yme des gantze Macht von vnserm kuniglichem Gewalt gegeben haben, als in Brieuen, dy wir darüber geben han vollentlich ist be griffen, vnd derselbe obgenante Ertzebischoff vnser lieber Furste vnd Vetter durch vnser kuniglich Gebot, vnd mit yme andere Fürsten, Grauen, Fryen, Herren, vnd Stete, eynen gemeynen Lantfriedcn tzwuschen Ryn vnd Mase vnd andeswOj so verre des Lantfrieden Tziele begriffen sin, darynne vnser Graueschaft zu Lutzilnburg besunder genomen ist, gemacht hant vnd gesworen vmb Friede vnd Gnade dye vnser kuniglich Syn allzyt gerende ist in den

— 589 —

Landen zu machen. Vnd tint dem male daz der obgenante Ertzebischoff von Trier vnd andre des Lantfriedén Eytge- noissen von vnser des heiligen Romischen Richs vnd des Lantfrieden wegen durch rechte kuntliche Noytdorft ge- meynen Nutz vnd Urbar des Landes zu underdrucken vnd vertyligen ungebe schadeliche Muntzen, vnd vmb gantze stede Beriechtunge uff Wasser vnd Lande eyne nuwe Muntze usz Golde vnd Sylbere mit des Rychs Zeychen tun slehen vnd machen, so wollen wir vnd gebieten uwer Tru* wen vestelich vnd ernstlich by vnsern vnd des heiligen Rychs Hulden, daz ir alle vnd uwer yglich besunder den obgenanten Lantfrieden in allen sinen Punten als er be griffen ist hanthaben, schirmen vnd frieden wollet vnd sul- let, vnd auch allenthalben in uwern Gebieten daz schaffent vnd bestellent, daz dye obgenante nuwe Münze des Lant frieden geuordert, vnd willentlich ungehindert entphangen vnd genomen werde, als wir ouch des woil gelauben vnd getruwen, vnd desselben uns vnd dem heiligen Reych» mit Truwen vestenlich syt verbunden. Mit Urkunde disz Brieues versiegelt mit vnserm kuniglichem Ingesiegele. Ge ben zu Präge na Cristus Geburte drutzenhundert vnd dar na in dem tzwey vnd funfzichsten Jare, uff des heiligen Ertzengels Sanie Michaels Abende in dem sybenden Jar* vnser Reyche.