Wir Walrarn Grefe zu Spanheim vnd Symon vnser Son Grefe zu Vyanden vergehin vns vffinlicbe an dysem Briefe vnd dun kunt allen Luden soliche Fruntschaf ab vns Heynrich Here zu Permunt gedan hat als sin Brief stet, den er vns darüber gebin hat, der alsus von Worte zu Worte steet. Ich Heynrich Here zu Permunt vergehin mich vffinlicbe an dysem Bryefe vnd dun kunt allin Lu den, daz ich bit gantzim Willen vnd beradins Mudis den edeln mynen lieben Heren Grefe Walram von Spanheim vnd Hern Symon Grefen zu Vianden syme Sone gebin vnd gebin ban myn Hus Permunt balp obin vnd niedin, bit Tornen, Porten, Wegen vnd Stegen, so "wie iz gelegen ist, anderwerb daz Gerichte zum Forst halp, Wasser, Weyde, Weide, Lude, vnd Gerichte ho vnd nider, so wie die gelegin sint, also daz die egenantc myn Heren daz Hus vnd Gerichte vorgenant nutzen vnd gebiuchen sollen zu alle iren Nodin vnd Willen vire gantze Jare riehist nach eyn körnende nach data dyses Briefes. Me so sollin die Burgman, Tornknechie, W echtere, vnd Portenere zu Per munt yrer di sint denselben mynen Heren egenant vnd mir semlich zu denHeyligin sweren, huldin, vnd verbundin

— 675 —

sin vire gantze Jar ais vorgeschreben slet. Me ist gereht Werne die vorgenante myn Here von iren wegen daz Hus bevelint oder ich von mynen wegin beveln, die sollin vns ygwedir syte, sweren, globin, buldin, vnd verbundin sin die vorgenante Zyt vz. Were iz auch Sache, daz myn Hern vorgenant keyn daz Gut losin woldin, daz ich odir myn Aldern versetzit han, daz mogint sie dun, vnd sal ich des gevolgigt sin, also wanne die vire Jar vss sint, zu welcher Zyt ich danne wil, so mpg ich oder myn Eiben die Gut _ wedir vmb si vnd ir Erben losen, vmb also vil Geltes, als die vorgenant myn Hern dar vmb gebin hant, vnd sal ich odir myn Erben der Losunge den Heren vorgenant vnd iren Erben Briefe dar vbir gebin, als gewonlich ist. Were iz auch Sache daz die vorgenante myn Hern bede bynnen diesen vier Jaren von Dodis wegin abe gingen daz Got verbyde, welich Amptmdn von ireu wegin danne vf dem Huse ist, der sal mir vnd mynen Erbn daz Hus vnd Ge richte vorgenant weider gebn ane alle Argelist vnd Ge- uerde. Auch ist gereht wanne die vier Jare vss sint, so sal ledig vnd loys wedir myn vnd mynre Erbn sin so waz ich Henrich vorgenant den egenanten mynen Hern geben han zu Permuni vnd zumVorsle, vnd die vorgenante myn Hern, vnd wer iz von iren wegio inné hat mir vnd mynen Erbn daz wedir lassin ledig vnd loys ane alle. Argelist vnd Geuerde, vsgenomen alsolich Gut als die vorgenante myn Hern losiut, daz sal ich vnd myn Erbn wedir vmb sie vnd ir Erbn losin, vmb solich Gelt als sie dar vmb geben hant, als auch vorgeschreben steet vnd die Briefe haldint die dar vbir geben sint. Waz auch die vorgenante Hern vf dem Huse nach der Zyt hant daz mogin» sie dannen fureu ane alle Hindernisse myn vnd roynre Erbn. Me ist gereht daz

43 *

die Hern vorgenant mich verantworten sollin wa ich Recht han. Waz hie vor ist benant globen ich Heynrich vorge nant vor mich vnd myn Erben stede vnd veste zu haldin. Des zu Orkunde lian ich Heinrich egenant myn Ingesygel gehenket an dysen Brief vnd han gtbedin die slrengin Lude Hern Philips von Schonecke vud Hern Friderich Hern zu Erenberg, daz sie zu merre Sicherhey t ir Inyesy- gele by daz myne an dysen Brief gehangen liant. Dalum anno domini M . ccc . LX . primo . ipso die Rciuigii. Waz he vor geschreben stet globn wir Grefe Walram vorgenant \nd Syruon vnser Son stede vnd veste ze haldin ane alle Argelist vnd Geuerde. Des zu Orkunde so htn wir vnser gross Ingesygele an dysen Brief dun henken, vnd han ge- bedin vnsem lieben getruwen Hern Philips von Schonecke vnd Hern Frederiche Here zu Erenberg daz sie zu Gezug- nisse ir Ingesygel by die vnsere an dysen Brieff gehangin hant. Datum anno domini м . ccc. ьх . primo . ipso die Reraigii.