||
(signum crucis) In nomine Domini. Anno millesimo ducentesimo vicesimo secundo ab incarnatione domini nostri Iesu Christi, mense augusti, decime inditionis, regnante||
autem domino Frederico Dei gratia serenissimo Romanorum imperatore semper augusto et magnifico rege Sicilie. Coram nobis Guillelmo et ||
Unfrido iudicibus et dopno Roggerio et Ugone de Abbate, Girardinus appellavit prepositum Sancte Marie de Cripta, pro parte ipsius eclesie,||
quod ipsa ecclesia tenebat de feudo uxoris sue, silicet in tribus locis: primus locus est iusta curtem suam prope ecclesia Sancti Silvestri; duo ||
alia loca sunt in casali Vitorano, de quibus locis unus est prope curtem Robberti Raonis, in alio loco sunt olive in fundo in quo abitavit ||
Adelardus sacerdos, quas olivas ipse Girardinus ipsi ecclesie vendiderat, et querebathabere omnia revocare per imperialem constitutionem. Ad ||
quod dictus prepositus, abito consilio, taliter respondit de oliveto quod est prope curte sua, sic alegavit: "Quia non videtur de ratione ut possis oli||
vetum illud petere, quia per antecessores uxoris tue terra illa data fuit ad pastenandum malloccis1 secundum consuetudine terre ||
et divisum fuit per medium, et medietas est in manibus vestris, alia medietas fuit vendita per pastinatores Vallariano, filio ||
magistri Karoli, qui in testamento suo pro peccatis suis dicte ecclesie reliquit; olivetum illud quod est iusta curtem Robberti Raonis non de||
dimus quod ad feudum uxoris tue pertineat nec aliquis de antecessoribus vestris inde possessionem haberet". Hoc audito, nos vero iu||
dices interrogavimus dictum Girardinum si aliquid contra possessionem et proprietatem inde probare posset coram nobis ostenderet, ipse vero ||
Girardinus tale responsum fecit de oliveto illo quod est iusta curtem suam bene connovit et confessus est quia terra illa data fuit ad ||
pastinandum, sicut supra adlegatum est; de alio oliveto quod est iusta curtem Robberti Raonis, sic dixit quod: “Ego multos inquisitiones ||
feci et non potui invenire aliquem qui siret quod olivetum illud pertineret ad feudum uxoris mee vel antecessoribus suis”. Nos vero ||
iudices interrogavimus anbas partes si aliquid super hoc vellent abere presentialiter dicerent, ipsi vero una voce disserunt: "Nichil ||
novi dicere volumus, set a vobis sententiam postulamus". Nos iudices, habita nobiscum deliberatione et connossentes et videntes ipsum ||
Girardinum fore confessum quod terra illa data fuit ad pastinandum, que est iustam curtem suam, et sientes quod res feudales possunt dare ||
ad pastinandum secundum consuetudine terre Tocci, et de oliveto illo quod est iustam curtem Robberti Raonis videntes ipsum Girardinum ||
omni ratione carere, adsolvimus dictum monesterium a petitione predicti Girardini olivas quas ipse Girardinus dicto mone||
sterio vendiderat, ipse vero cum uxore sua et cum filio suo Matheo pro remissione peccatorum suorum in manu dicti prepositi omnem||
questionem vel actionem remiserunt, promittentes eciam ut nec ipsi nec eorum heredes debeant contravenire et si aliquis eorum contraveni||
ret, obligaverunt se soluturos predicto monesterio unam unciam auri, per guadiam quam inde dederunt et se ipsos fideiu||
ssores posuerunt. Hanc cartam scripsi ego Guilielmus notarius iussu supradictorum iudicum. (signum notarii)

||
(signum crucis) Ego qui supra Willelmus iudex. (signum iudicis)

||
(signum crucis) Ego qui supra Unfridus iudex. (signum iudicis)