||
(signum crucis) In nomine Domini. Anno dominice incarnationis millesimo ducentesimo vicesimo quarto, et nono anno pontificatus domini nostri Honorii tertii summi pontificis et univer||
salis pape, mense februarii, tertiadecima indictione. Scriptum memorie a me Petro Alferii, iudice, institutum de hoc quod in presentia domini Iaquinti de ||
Advocatis, domini pape cappellani et Beneventani rectoris, domini Henrici Collivaccini, Dei gratia Beneventani archidiaconi, et mea veniens dopnus Placi||
dus, venerabilis prior monasterii Sancte Marie de Cripta, representavit nobis quoddam puplicum instrumentum cuius exemplari sua interesse ||
dicebat, rogans nos ut illud sibi iuberemus in scripturam puplicam exemplari, cuius preces nos admittentes illud sibi pre||
cepimus exemplari; quod instrumentum in nulla sui parte erat vitiatum seu cassatum sed erat in prima figura excepto quod ibi ||
interliniatum erat: “iudicibus”, “eo”; cuius continentia de verbo ad verbum per omnia talis erat: In nomine domini nostri Iesu Christi. Anno incarnationis eius millesimo ducentesimo ||
nonodecimo, mense ianuarii, septimo die intrante, ottave indictionis, regnante domino nostro Frederico, Dei gratia rege Romanorum et rege Sicilie, ||
ducatus Apulee, principatus Capue. Scriptum pro futuri temporis memoria institutum a nobis Petro, humili priore Sancte Marie ||
in Gualdo, et Roggerio, decano Sancti Mathei de Sculcula, a summo pontifice iudicibus delegatis de hoc quod olim, secundo preterito men||
se obtubris, dominus Urso, venerabilis episcopus Montis Corvini, apostolicas licteras nobis presentavit que continebant: “Honorius episcopus servus ||
servorum Dei. Dilectis filiis priori Sancti Iohannis in Gualdo et decano Sculcule, Beneventane diocesis, salutem et apostolicam benedictionem. Sua nobis, ||
venerabilis frater noster, episcopus Montis Corvini insinuatione monstravit quod bone memorie predecessor ipsius ecclesiam Sancti Marci ad men||
sam episcopalem spectantem fratribus Leprosorum domus Troianensis sub annuo censu concessit in eius preiudicium et gravamen. Ideoque discrep||
tioni vestre per apostolica scripta mandamus quatinus partibus convocatis audiatis causam et appellatione remota fine debito terminetis, ||
facientes quod statueritis per censuram ecclesiasticam firmiter observari. Testes autem qui fuerint nominati, si se gratia odio ||
vel timore subtraxerint, per censuram eandem appellatione cessante cogatis veritati testimonium perhibere. Datum Laterani, .V. kalendas ||
aprilis, pontificatus nostri anno secundo.” Quibus inspectis et congnitis iuxta iuris ordinem partes citari fecimus, prefigentes eis diem et ||
locum, advenienti autem die prefixo se nostro conspectui presentaverunt. Cumque dictus venerabilis episcopus petitionem suam fundaret, ||
dicti fratres domus Leprosorum respondentes dixerunt se non velle nec debere respondere sine notitia magistri eorum sili||
cet magistri domus Baroli, tunc quidem venerabilis episcopus quesivit eos ducere ad refectionem ecclesie Sancti Marci que diruta ||
erat negligentia et culpa eorundem fratrum et querebat eos ducere ad solutionem debiti census quem multis retro ||
temporibus non solverant et causa misericordie cessabat a petitione proposita contra eos; tunc siquidem iuxta iuris exigentiam dedimus ||
eis indutias, iterum prefigentes locum et diem. Cum autem veniret terminus memoratus episcopus coram nobis apparuit, illis vero ||
non apparentibus sed triduo retardantibus iterum eos citari fecimus. Qui venientes eundem repetentes sermonem dixerunt ||
se nichil ex eo facturos aud responsuros sine notitia et velle magistri domus Baroli, nos quidem pietatis intuitu licet ||
de domo Baroli in licteris apostolicis mentio nulla fuisset tamen indutias eis indulgimus usque quo possent ire ad magistrum domus Baroli ||
et reverti, et eis diem et locum prefiximus posito peremptorio ut ad causam accederent. Accedenti autem prefixo die peremptorii iam||
dictus venerabilis episcopus paratus ad causam coram nobis apparuit, illis autem fratribus non accedentibus expectavimus eos per triduum ||
illis etiam post triduum deficientibus in adventu et nos videntes eos contumaces existere dedimus possessionem Sancti Marci ||
predicto episcopo causa rei servande. Verum quia ultra annum elapsum, prefati fratres domus Leprosorum tanquam contumaces se nostro negle||
sserunt conspectui presentare petiit antefatus episcopus iamdictam ecclesiam Sancti Marci et auctoritate qua fungimur iudiceali et ||
secundo decreto possidere. Nos itaque adtendentes pet[itionem ipsius] iure fore subnisam habito prudentum virorum consilio ||
et videntes predictos fratres Leprosorum domus Troianensis contum[aces existere] et in contumacia perseverare, auctoritate qua fungimur ||
ordine iudiciario sententiam promulgamus, dantes perpet[u]am et plenam possessionem ecclesie Sancti Marci predicto venerabili episcopo. Ut ||
autem, que peracta sunt ad memoriam serventur, hoc scriptum ad cautelam et securitatem memorati episcopi fieri institui||
mus et te, Ottavianum puplicum notarium rogantes, scribere mandamus. Et superius interliniatum est: “iudicibus”, “eo”. Emendatum erat ibi: ||
“nonodecimo”, et in fine ipsius instrumenti denotatum erat sic: et emendatum: “nonodecimo” et erant ibi subscripti Petrus, prior Sancte [Ma]rie ||
de Gualdo, Roggerius, decanus Sancti Mathei de Sculcula, et frater Magnus, sacerdos et monachus. Quod tibi Petro notario qui predictum instr||
umentum vidisti et legisti, taliter scribere precepimus. Emendatum est superius: “nonodecimo”; et interliniatum est: “Baroli”. (signum notarii)

(signum crucis) Ego Iacintus domini pape capellanus, rector Beneventanus. (signum testis)

(signum crucis) Ego Henricus Beneventanus archidiaconus. (signum testis)

(signum crucis) Ego qui supra Petrus iudex. (signum iudicis)