○+Ittemc es ist besetzt unnd uffgnomenn, wo in allem unnserm lannd waidenn unnd aͤcker an ain annderen stossend und heg unnd hagmaͤler entzwuͤschenn sinnd, wann von deren spenn unnd stoͤss erwachsennd, das sy dann den hoptman in der rod, darinn der stoss ist, nemenn soͤllinnd, der sol dann tzwen bider man tzuͦ im nemenn unnd soͤllinnd uff die stoss gon unnd die aigenntlich besechenn. Unnd wie es dann die dry mann machennd und richtennd, das es dann von bedenn thailen also gehallttenn werden soͤlle. Unnd soͤllind denn dryenn darumm tze lonn gebenn jeglichem ain schiling pfenig. Unnd mitt namen wederen thail onrecht in der sach hab, der selb sol den lon den dryenn mannen ußrichten unnd gebenn. Hettennd sy aber bed recht older unrecht, weders das waire, so sol jettweders den lon halb geben. Desß glichenn wo spenn unnd stoͤsß erwachsennd vonn wegenn unnd marchenn och also.2
Language:
Notes:
- General:
- hoptmanhoptman
- HauptmannHauptmann
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}