[58] 1 Von luͤtten, die mer verthund, dan sy betzallen moͤgena

○+Ochb ist besezt, ob sich jemar begaib, dz in unnserm lannd Appenzell jeman mer verdait, dann er bezalenn moͤcht, das dann die von Appennzell unnd die irenn vor mengklichem bezalt werdenn soͤllinnd, als ver dz selbig guͦt glangen mag. Wurd aber dann ettwas uber, so si bezalt wurden, so sol dann fuͤr dz hin jederman sine recht vorbehalten sin.

c–Es hatt ouch ain aman und zwen fachen lanntz ratt an der mitwuchen nach unser frowen tag zuͦ mittenn ougsten im 53 jar uf und angnon, wann hindersaiss unsers lantz an soͤliche lütt auch ansprach hettend, das die selbigen vor deren, so vormm lannd sind, betzalt soͤllennd werdenn. Suͦch mer am 31 blatt.–c1