52.

Walterus, Dei gratia Tornacensis episcopus, omnibus, ad quos presentium notifia pervenerit, in Domino salutem. Noverint universi presentes litteras in- specturi, quod dilecti nostri abbas et conventus sancti Bertini obtulerunt nobis cartam magistri Arnulphi, canonici Tornacensis et officialis nostri, presentibus Hugone decano, Johanne archidiacono et aliis canonicis Tornacensibus confectam, cujus tenor talis est. Omnibus ad quos presentium noticia pervenerit. Magister Arnulphus, canonicus Tornacensis et domini episcopi officialis, in Domino salutem. Noverit universitas vestra, quod Gilebertus, castellanus Bergensis, et Mathildis, uxor ejus, coram magna parte capituli Tornacensis et coram nobis recognove- runt, quod decimas, quas habent in parrochiis sancti Bertini, Lisseweghe et Coudekerca dictis, ecclesie ejusdem sancti pignori obligaverant pro mille et sexcentis libris Flandrensibus, tenendas usque ad decem annos, ita quod redimi non poterunt, et quicquid eadem ecclesia durante pignore de predictis decimis percipiet ei predicte persone in elemosinam contulerunt. Elapsis vero decem annis, si easdem decimas redimere voluerint, oportebit quod in medio martio redimant, et si terminus ille transient, non poterunt eo anno predicte decime relimi, nisi in sequenti medio martio, et sic deinceps de anno in annum erit obser- vandum. Et quod predicta Mathildis, uxor predicti castellani, confessa est se dotalicium habere super decimam de Lissewegha, per voluntatem ipsius assignata sunt ei, in concambium dotalicii, Hernessa in parrochia de Dunkerca jacens, et Vodermout, quod idem castellanus habet in territorio Bergensi, ita tamen quod, si predicta decima in posterum redempta fuerit, predicta Mathildis redibit ad dotalicium suum, si illud habere maluerit quam predictum assignamentum; quia < etiam mater castellani prenominati super decimam de Coudekerca quinquaginta libras Flandrenses annuatim accipiendas nomine dotalicii habebat, ecclesia sancti Bertini de predicta pecunia retinebit quingentas libras, et annuatim solvet eidem mulieri quinquaginta libras Flandrenses, donec predictus castellanus eandem deci mam erga matrem suam integre quitaverit; quod cum fecerit, ecclesia sancti

52

Bertini ei persolvet quingentas libras prenominatas, et decimam de Coudekerca libere possidebit, ut dictum est, pignori obligatam. Et ut predicta omnia in posterum fideliter observentur, predicti castellanus et uxor ejus ad predictorum omnium observationem se fide interposita obligaverunt, extensis manibus versus ecclesiam et sacrosancta, que in ea continentur, jurantes, quod nec per se ne�? per alium aliquem durante pignore ecclesie sancti Bertini molestiam inferrent vel gravamen. Et nos ad petitionem partium hec scribi et sigillo curie Tornacensis fecimus roborari, coram his testibus: Hugone, decano ecclesie Tornacensis; Johanne, archidiacono Tornacensi; Matheo, cantore; magistro Waltero, hospita lario et Nycholao de Insula, canonicis Tornacensibus, et aliis pluribus. Actum anno Domini M° CC° XXII, in vigilia sancti Basilii. Nos itaque profectibus eccle- siarum congaudeutes, ad petitionem predictorum abbatis et conventus sancti Bertini, conventionem inter ipsos ex una parte et predictas personas, scilicet castellanum Bergensem et uxorem ejus, ex altera factam, sicut in dicti officialis nostri litteris continetur, ratam habentes, eandem sigilli nostri appensione duximus confirmandam. Datum anno Domini M° CC° XXII0, sabbato post festum omnium Sanctorum. Ego quoque R., Tornacensis ecclesie Flandrie archidiaconus, assensum adhibui et sigillum meum appendi feci.

Original. Sceaux enlevés.