175.

Charles, par la divine clemence esleu empereur des Romains, tousjours auguste, roy de Germanie, de Castille, de Leon, dArragon, de Navarre, de Naples, deSicille, de Majorque, de Sardaine, des ysles Yndes et terre ferme, de la mer Occeane, archiduc dAustrice, duc de Bourgoingne, de Lothier, de Brabant, de Lem- bourg, de Luxembourg, etc., et conte de Flandres, dArtois, de Bourgoingne, palatin, et de Haynnau, de Hollande, de Zeellande, de Ferrette, de Kyburg, de Namur, etc., prince de Zwave, marquis de Burgau et du Saint Empire, seigneur de Frize, de Salins, de Malines, des pays dOveryssel, des cite, villes et pays dUtrecht, et dominateur en Asie et en Affricque. A tous ceulx, qui ces presentes lettres verront, salut. Receu avons lumble suplicacion de reverend pere en Dieu, nostre ame et feal conseiller, messire Anthoine de Berghes, abbe de saint Bertin, contenant comment par previ- lege de feuz noz predecesseurs, contes et contesses de Flandres, que Dieu absoille, soit octroye et accorde audict suppliant et ses predecesseurs, abbez de saint Bertin , que toutes et quantesfois que aucun avoit commis quelque homicide ou autre mesuz, pour lequel il estoit banny de la terre et seigneurie de Popringhes appartenant audict suppliant, ensemble de nostre pays et conte de Flandres, et que tel malfaicteur ou banny avoit obtenu de nous ou de nostre souverain bailly de Flandres lettres de pardon ou rappel de ban, il ne pourroit rentrer en ladicte terre et seigneurie de Popringhes , ne en la keure dicelle, sans en avoir prealable ment lettres de rappel de ban dudict suppliant et ses predecesseurs, duquel previlege,

octroy et accord luy et sesdicts predecesseurs ont joy, use et possesse de tel et sy longtemps, quil nest memoire du contraire, sans aucun empeschement. Or est que en lan xve et onze, ung nomme Jehan de Wintre, lequel avoit auparavant commis certain homicide en la personne de feu Bernard Widoot, et a ceste cause banny de ladicte terre et seigneurie de Popringhes par ceulx de la loy dudict suppliant, obtint de nous noz lettres de remission et rappel de ban a ce pertinentes; et pour ce que certain temps apres, mesmement en lan x\n quinze, il se trouva audict lieu de Popringhes, sans en faire aucune ostencion audict suppliant ou ses olliciers illec, en contempnant et mesprisant par ce sa jurisdiction, les officiers dicelluy suppliant le firent constituer prisonnier; lequel de Wintre, se voyant ainsi prins, obtint aussi dudict suppliant lettres de rappel de ban, par lesquelles lettres ledict suppliant quicta, remist et pardonna audict de Wintre tout ce quil pourroit avoir mesprins contre luy et sa justice davoir rentre audict Popringhes et ce qui sen est ensuy a cause dudict homicide, en le restituant a sa bonne fame et renommee; et combien que ledict suppliant nentendoit de en ce faisant avoir entreprins sur nous ne noz droiz, haulteur et seigneurie, ains seulement avoir use de sondict previlege, neantmoins pour ce que nostre procureur general de Flandres soustient le contraire, disant quil auroit grandement entreprins sur nous et nosdiz droiz, en ayant mis ou fait mectre esdictes lettres pluiseurs clauses et termes derogans a nostre haulteur, assavoir ou narre dicelles, que ledict de Wintre par simplesse et non sachant, que a luy seul et sans autre, comme abbe et seigneur temporel dudict Popringhes, appartient de donner remission et re- mectre en icelle ville, franchise et kuere, tous bannys; et ou dispositif use de cez motz: Avons remis, quicte et pardonne audict de Wintre tout ce qu'il peut avoir mes prins contre nostre haulteur et justice en rentrant audict Popringhes, et ce qui est ensuy a cause dudict homicide, et le remectons a sa bonne fame et renommee. Car ainsi nous plaist il estre fait. Noz amez et feaulx les president et gens de nostre cham bre de conseil en Flandres, a la poursuyte de nostredict procureur general ont fait decerner lettres de commission, en vertu desquelles certain huissier de ladicte cham bre a prins, saisy et mis en noz mains ladicte seigneurie de Popringhes, destitue les officiers illec, et y commis des autres, et avec ce faire adjourner ledict suppliant pardevant lesdiz de nostre conseil, contre lequel nostredict. procureur a conclud, affin de confiscacion de ladicte seigneurie, condempnacion damende et dautres choses par luy declarees; a quoy ledict suppliant a respondu tellement, que le procès est en estat deservir par luy descriptures. Et nonobstant que, comme dit est, il ne vouldroit jamais penser de aucunement entreprendre sur nosdiz droiz et haulteur, il craint que lesdiz de nostre conseil en Flandres ne se vendent arrester ausdiz termes et clauses, et, ensuyant les conc usions de nostredict procureur general, proceder a la declaracion de la confiseacion de sadicte seigneurie de Popringhes, le condempner en certaine amende ou autrement, qui seroit a son tres grant

265

regret et prejudice, en nous requerant tres instamment, que, en ayant regarda ce que dit est, et mesmes quil ne a fait a maulvaise intencion, ce dont il est argue, nostre plaisir soit abolir tout ce quil pourroit avoir mesprins vers nous et nostre haulteur, en ayant par luy mis les termes et clauses dessusmencionnees esdictes lettres, ensemble es autres lettres, esquelles pareilles faultes pourroient avoir este commises, sancimes en a baillie; et a ceste fin luy quicter toute paine et amende civile, en laquelle il pourroit estre encouru envers nous a la cause que dessuz; et avec ce, lever et oster a pur et a plain nostre mainmise a sa- dicte seigneurie de Popringhes, ses appartenances et appendences, remectre sesdiz officiers et justiciers en leurs offices, destituer et deporter ceulx, qui en vertu de ladicte commission y ont este commis, et luy faire rendre par eulx tout ce quilz ont leve, prins et receu des fruitz, rentes et revenues de ladicte seigneurie et autrement en maniere que ce soit, et de len faire et laisser joyr et user plainement le temps avenir, comme il faisoit auparavant; ladicte mainmise revocquer et faire revocquer, et mectre au neant toutes procedures faictes et encommencees a la cause dicte; et sur ce, luy faire expedier noz lettres dabolicion a ce pertinentes. Pourquoy nous, ces choses considerees, et sur icelles eu ladvis desdiz de nostre conseil en Flandres, a icelluy suppliant inclinans favora blement a sadicte suplicacion et requeste, et par la deliberacion de nostre treschiere et tresamee dame et tante larchiducesse dAustrice, ducesse et contesse de Bourgoin- gne, regente en nostre absence de noz pays et seigneuries de pardeca, avons quicte, pardonne et aboly, quictons, pardonnons et abolissons de grace especial, pal ces presentes, tout ce entierement quil peut avoir mesprins envers nous et nostre haulteur, a cause des clauses et termes cy dessus declarez et mis, tant es lettres de rappel de ban, par luy accordees audict Jehan de Wintre, que es autres lettres, esquelles pareilles clauses pourroient avoir este mises; en revoc- quant, rappellant et mectant au neant tous exploix, adjournemens, deffaulx et autres procedures, qui sont et peuent avoir este faictes et encommencees a lencontre de luy et ses biens a la cause dicte, imposant sur ce scilence perpetuel a nostre procureur general et a tous noz autres justiciers et officiers quelzconques, pourveu toutesvoyes quil sera tenu lamender envers nous civilement et avec ce resfondre et payer les fraiz, mises et despens de justice, a larbitraige et tauxacion diceulx de nostre conseil en Flandres, que commectons a ce, et de nostre plus ample grace, avons leve et oste, levons et ostons, par cesdictes presentes, nostre main et tout autre empeschement mis et appose a sadicte terre et seigneurie de Popringhes; laquelle avons, ensuyvant ce, remise et remectons en < ses mains, pour par luy en joyr et possesser, tout ainsi et par la maniere quil faisoit auparavant ladicte main mise, remectant et restituant a ceste fin ses officiers en leurs estaz et offices, en destituant et deportant ceulx, qui en vertu de la commission desdiz de nostre conseil en Flandres y ont este commis,

34

266

vonlant et ordonnant, quilz facent et rendent audict su pliant bon et leal compte et renseignement de tout ce entierement, quilz ont leve et receu des fruitz, rentes et revenues de la dessusdiete terre et seignenrie, deduction et deffalcacion a eulx faicte des fraiz, mises et despens raisonnables, quilz auront faiz, euz et soustenuz, a cause du regime et gouvernement dicelle; et pardessus ce, avons aussi octroye, consenti et accorde, octroyons, consentons et accordons de grace especial par ces presentes audict supliant, que doresenavant, apres que aurons accorde a aucuns malfaictenrs on bannyz de ladicte terre et seignenrie de Po- pringhes noz lettres de rappel de ban, il puist aussi bailler a telz malfaictenrs et bannyz ses lettres de consentement de povoir rentrer en la ville, kuere et eschevinaige dudict Popringhes, selon le contenu de son previlege. Si donnons en mandement a noz amez et feaulx les chief, prеsidees et gens de noz prive et grant consaulx, ausdiz de nostre conseil en Flandres, president et gens de noz comptes a Lille, receveur general de Flandres, et a tous noz autres justiciers, officiers et snbgectz, cui se pent et pourra touchier et regarder, lenrs lieuxtenans et chascnn denlx en droit soy et si comme a luv appartiendra, que de noz presente grace, quictance, pardon, abolicion, main levee, octroy, et accord, et de toot le contenu en cesdictes presentes, selon par les forme, maniere et soubz les condicions que dit est, ilz facent, senffrent et laissent ledict supliant plainement, paisiblement et entierement joyr et user, sans luy faire, mectre ou donner, ne souffrir estre fait, mis ou donne aucun destourbier ou empcschement au contraire en maniere quelconque. Car ainsi nons plaist il. En tesmoing de ce, nons avons fait mectre nostre seel a ces presentes. Donne en nostre ville de Bruxelles, le Xтne jour davril, lau de grace mil cincq cens vingt nenf apres Pasques, et de noz regnes, assavoir de celuy des Romains, ete., le xic et de Cas tille, ete., le xar\

Par lemperenr en son conseil.

(Signé) Perdebie.

ûf.pnal. Sceau entere.

267