176.

Kaerlc, by der gracien Goids Roomsch keyser altyt vermeerder srycx, coninck van Germanien , van Castillien , van Leon, van Grenade, van Arragon, van Navarre, van . Naples, van Secillien, van Maillorcquen, van Sardeynen, vanden eylanden Indien, ende vaster eerde der zec Occeane, eertshertoge van Oistenryck, hertoge van Bour- goingnen, van Lothier, van Brabant, van Lembourg, van Luxembourg ende van Gelre, grave van Vlaenderen, van Artois, van Bourgoingnen, palsgrave, ende van Henegauwe, van Hollandt, van Zeellant, van Ferette, van Haguenau, van Namen ende van Zutphen, prince van Zwave, marcgrave des heilichs Rycx, heere van Vrieslandt, van Salins, van Mechelen, vander stadt, steden ende landen van Uuytrecht, Overyssel ende Groeningen, ende dominateur in Asie ende in AH'ricque, allen den ghenen, die dese jegewoirdige zien zullen, saluyt. Wy hebben ont- fangen die oitmoedige sup|)licatie vanden bailliu, scepenen ende kuerheers der stedo van Poperinghe, in onsen lande van Vlaenderen, inhoudende, hoe dat wy, inden jaere xv° vierenveertich lestleden, hemluyden, by onse opene briefven van octroye, geconsenteert hebben zekere assysen van wyne ende biere binnen der voirseider stede te mogen doen heflen ende ontfangen; ende, want tselve octroy S'-Jansmisse naestcommende expireren zal, zoe hebben zy ons oetmoe- delick gebeden, dat ons gelieve continuatie van dien hemluyden te willen ver- leenen; ende gemerct,dat eenige difliculteyten geresenzyn, ter causen dat byden text vanden voirseyde octroye geseyt is, dat dassyse vanden wynen geheven soude wesen vanden wyn, die men aldaer vercoopt, ten opziene vanden welcken eenige zouden mógen weygeren assyse te betaelen vanden wyne, die zy inneleggen; ons insgelycx believe tselve te doen veranderen, ende inde plaetse van dien inde voirseide continuatie te doen stellen, dat men recht vanden assyse gehouden zal worden te betalene vanden wyne, die aldaer gesleten zal worden, gelyck vanden biere, ende zoe oick aldaer geuseert is, omme alle toecoemende Pro cessen ende difficulteyten te schouwene, ende hen hierop doen expedieren onse behoirlicke opene briefven van continuatie in zulcken zaken dienende. Doen te wetene, dat wy, de zaken voirscreven overgemerct, ende hierop gehadt tadvys,

268

eerst tan onsen Heven ende getrouwen die president ende luyden van onsen Rekeningen te Ryssele, ende daernae vanden hoofden ende gecommitteerde van onsen demeynen ende financien, genegen wesende ter bede ende begeerte vanden voirnoemden supplianten, faebben onse voirseide briefven van octroye hier boven gementionneert verlingt ende gecontinueert, ende zoe verre des noot zy, hebben den selve van nyeuws geoctroyeert ende geaccordeert, octroyeren ende accor- deren, hen gevende oirloff ende consent uuyt zunderlinger gracie by desen, dat zy alnoch voer eenen anderen tyt ende termyn van negen jaeren naestcom- mende ende achtereenvolgende, beginnende ter expiratie van onse voirseide voergaende briefven van octroye, zullen mogen heffen, innen ende ontfangen, ende by heuren gecommitteerden doen heffen, innen ende ontfangen die assysen ende cailloten daerinne begrepen, te wetene: up den wyn den vierden penninck van alzoe vele als die gelden ende vercocht zal worden ten tappe ; wel verstaende dat die ghene, die wynenj inneleggen zullen in huerlieder huysen oft kelders, om hun gebruyck ende usancie, gehouden zullen wesen te betalen den vierden penninck vanden incoop vander voorseide wynen, zoe verre de selve daeraff by previlegie nyet vry oft exempt en zyn; item van elcker tonnen cleen inbrauwen bier, dat aldaer gesleten zal worden, thien scellingen parisis, vander tonne dobbelen biere veerthien scellingen parisis, vander hollantscher keyte, ingelsbier ende alle andere uuytgebrouwen bier twintich scellingen parisis, vanden amborgen ende oisterschen biere, van elcker tonne houdende achtenveertich stoopen, sess scellingen , ende van elcker amborgen tonne azyns zesthien scellingen. Behoudelick, dat de voirnoemde supplianten, in recognitie van onse iegewoirdige gracie, gehouden zullen wesen alle jaere, de voirseide negen jaeren geduerende, te betaelen tonsen profl'yte, in handen van onsen ontfanger generael van Westvlaende- ren jegewoirdich ende toecoemende, de somme van vier hondert ponden parisis, ende ten prolTyte vanden eerweerdigen vader in Gode, onsen lieven ende wel beminden den abt van Sw Bertins, temporeel heere vander voirseider stede van Poperinge, gelycke somme van vier hondert ponden parisis, naer oude costume daerop onderhouden. Behoudelick oick, dat zy, binnen drye maenden naestcommen- de, dese jegewoirdige zullen seynden in onse Rekencamere te Ryssele, om al daer tonser zekerheyt geregistreert te wordene, op te peyne te verliesen tefl'ect van dien. Ontbieden daeromme ende bevelen onsen lieven ende getrouwen die hooft Presidenten ende luyden van onsen secreten ende grooten Raeden, president ende luyden van onsen Raede in Vlaenderen, ende alle anderen onsen rechteren, oflicieren ende ondersaeten, dien dit aengaen sal, dat zy den voirnoemden supplianten doen laeten ende gedoogen van dese onse gracie, octroye ende con- tinuatie, ende van al den inhouden van desen, duerende den tyt, in der vougen ende manieren voeren verhaelt, rustelick ende vredelyck genyeten ende gebruycken, zonder hen te doene, noch te laeten geschien eenich hinder, letsel oft moeyenisse

269

ter contrarien. Want ons alsoe gelieft. Des torconden hebben wy onsen zegel hier aen doen hangen. Gegeven in onser stadt van Bruessele, den xvteD dach van junio, int jaer onss Heeren duysent vyffhondert ende vierenvyfltich, van onsen keyserycke 4 xxxv", ende van onsen rycken van Castillien ende anderen 't xxxix1*.

Byden Keyser, den heere van Hacicourt, hoofft, meo Nicasis Claissone, Joannes de Damhoudere ende Aelbrecht van Loo, gecommitteerde vande Financien ende anderen jegenwoirdich.

(Signé) d'Overloepe.

Ces lettres, suyvant quil est mande par icelles, sont enregistrees en la chambre des Comptes au registre des Chartres y tenu, commenchant au mois davril mil cincq cens quarante neuf, foliis h" n et m, a lordonnance des president et gens dicelle. Le un' jour de septembre xv" cincquante quatre.

(Signé) C. de Callokne.

Original. Sceau enlevé.